محتويات المقال
فصل الشتاء على فخامته ورومانسيته، إلا إنه مصدر رعب للأمهات، لأن الشتاء مرتبط عندهم بنزلات البرد اللي بتيجي لأطفالهم، وبنسمع الشكوى المتكررة من الأمهات: “بنطلع من دور بندخل في اللي بعده” وخصوصًا إذا كانوا الأطفال بيروحو مدارس أو حضانات.
ولأن نزلات البرد معتادة ومتكررة طول الشتاء، فمش في كل مرة محتاجة تروحي لدكتور وتقضي وقت في العيادات والمستشفيات -إلا في بعض الحالات طبعًا- علشان كده “راحة بالي” هتقدملك دليلك السريع للتعامل مع نزلات برد طفلك في الشتاء:
إيه هي نزلة البرد؟
- نزلات البرد هي عدوى فيروسية، بيصاب بيها أنق وحلق الطفل، وأهم أعراضها الاحتقان وسيلان الأنف.
ليه الأطفال الأكتر عرضة للإصابة نزلات البرد؟
- بسبب اختلاطهم بالناس الأكبر سنًا منهم، سواء كانوا أطفال أكبر أو بالغين.
- مناعتهم ما بتكونش لسا اتطورت عشان تقاوم أسباب العدوى.
- اختلاطهم بعدد كبير من الأطفال في الحضانات والمدارس.
الطفل معرض لكام مرة إصابة بنزلات البرد؟
- 7 مرات أو أكتر، على حسب درجة اختلاطه بالناس.
إيه هي أعراض الإصابة بنزلة البرد؟
- سيلان الأنف أو احتقانه.
- إفرازات للأنف شفافة في البداية، وممكن يتغير لونها للأصفر أو الأخضر.
- ارتفاع درجة الحرارة.
- العطس.
- الكحة.
- قلة الشهية للأكل.
- صعوبة النوم.
علاج نزلات البرد عند الأطفال:
- أفضل علاج لنزلات البرد عند الأطفال بجانب الراحة، هو استخدام مسكنات الألم اللي مش بتحتاج وصفة طبية -ماعدا الأسبرين- زي شراب 123
ليه استخدم شراب 123 لطفلي؟
- علشان مناسب للطفل من فوق 5 سنين.
- بيحتوي على 3 مواد فعالة:
- باراسيتامول: مسكن وخافض للحرارة، و أأمن مسكن على الأطفال والحوامل.
- كلوروفينرامين: واللي بتقلل من احتقان الحلق.
- سودوإفيدرين: مضاد للحساسية، وعلاج لكل الأعراض الأنفية المصاحبة لنزلة البرد.
- مش هتضطري تشربي طفلك أكتر من دواء مع بعض، لأن 123 علاج شامل لكل أعراض نزلة البرد عند الأطفال.
الوقاية من نزلات البرد:
- لو في فرد مصاب في الأسرة، فمن الأفضل إن طفلك يبعد عنه وخصوصًا في بداية فترة المرض.
- اغسلي إيديكي كويس جدًا قبل ما تمسكي أي حاجة تخص طفلك، ولو إنتي برا البيت فتقدري تستخدمي المطهرات المختلفة زي الجل أو المناديل المبللة اللي بتحتوي على الكحول.
- نضفي ألعاب طفلك وأدواته باستمرار.
- نضفي البيت من المناديل المستعملة وغيري المفروشات اللي كان بيستعملها أي شخص مصاب من أفراد الأسرة.
- علمي أفراد الأسرة كلهم يكحوا ويعطسوا في دراعهم.
وعلشان إحنا في راحة بالي أمهات زيك، وحاسين بقلقك، عاوزين نطمنك ونقولك افتكري دايمًا إن إصابة طفلك -رغم المعاناة- هتديله مناعة قوية مستقبلية في محاربة الأمراض والفيروسات.
مع تمنياتنا ليكي ولأسرتك بالصحة والعافية.
المصادر:
التعليق باستخدام حساب فيس بوك