محتويات المقال
مواليد أواخر شهر يونيو وأول شهر يوليو هم مواليد برج السرطان. عشان تعرفي مواصفات امرأة برج السرطان، شوفي هنا، وعشان تعرفي مواصفات رجل برج السرطان، روحي هنا. أما عشان تعرفي مواصفات طفل برج السرطان، كملي قراية.
أحسن ألعاب لطفل برج السرطان
الدباديب، حنية أطفال برج السرطان بتخليهم يتعلقوا جدًا بالدباديب ويحضنوها طول الوقت ويحضنوها وهم نايمين. ولو اتعلقوا بدبدوب من دول، هيبقى ده صديقهم الصدوق وقلبهم هيتكسر لو الدبدوب ده حصل له حاجة.
أحسن أنشطة لطفل برج السرطان
كونهم مبدعين وخيالهم خصب، فهم عايشين جوا دماغهم معظم الوقت. سرحانين وبيفكروا كتير. حتى لو وديتهم أي kids area ممكن تلاقيهم مش بيلعبوا على قد ما هم قاعدين يتفرجوا على الأطفال التانيين وهم بيلعبوا، وهيكونوا ساعتها مبسوطين جدًا وهم بيتخيلوا قصة كاملة عن الأطفال التانيين وهم بيلعبوا. خدي بالك دايمًا إن طفل البرج ده بيميل إنه يكون خجول وممكن يحتاج منك إنك تكسري الجليد بينه وبين الأطفال التانيين عشان يكوّن صداقات.
أسماء طفل برج السرطان
بما إنه برج حساس ودايمًا بيحب القصص والمعاني الناعمة، فاختاري اسم يكون هو اسم فنانك المفضل أو شخصية في رواية رومانسية، أو اسم له معنى كبير.
ازاي تتعاملي مع طفل برج السرطان
زي ما قلنا هم مليانين بالحنان والإبداع والخيال والحساسية، فلازم تراعي دايمًا الأبعاد دي وانتي بتتعاملي مع طفلك من مواليد برج السرطان لإن أي تعامل معاه من غير محاذير ممكن يجرحه لو كلمة ما فكرتيش فيها كويس قبل ما تقوليها. وخدي بالك إن كونه خجول هيعني إنك انتي أقرب أصحابه لإنه أصلًا مش شاطر قوي في موضوع إنه يعمل أصحاب.
طفل السرطان بيحب: المسؤوليات ومساحة الخيال والتعبير عن النفس بشكل فني.
طفل السرطان بيكره: الأسئلة الكتير لما يكون متضايق (عملت إيه؟ إيه اللي حصل؟ مالك؟ طب قل لي مين وهاسكت)، التجسس (ما تفتشيش موبايلاتهم ولا تبصي في شنطتهم.
مصدر ساعدنا في كتابة المقال
Horoscope
التعليق باستخدام حساب فيس بوك