محتويات المقال
مواليد أواخر شهر مايو وأول شهر يونيو هم مواليد برج الجوزاء. عشان تعرفي مواصفات امرأة برج الجوزاء، شوفي هنا، وعشان تعرفي مواصفات رجل برج الجوزاء، روحي هنا. أما عشان تعرفي مواصفات طفل برج الجوزاء، كملي قراية.
أحسن ألعاب لطفل برج الجوزاء
العرايس والدباديب. أطفال الجوزاء اجتماعيين وبيحبوا اللعب التخيلي لوقت طويل. اديهم ألعاب كتير يقدروا فيها يعيشوا خيالهم ويبنوا عالمهم. ممكن كمان تديهم مكعبات عشان يبنوا بيوت يسكنوا فيها عرايسهم.
أحسن أنشطة لطفل برج الجوزاء
كونهم كلهم نشاط واجتماعيين، هيحبوا يخرجوا يقابلوا أطفال تانية. بيحبوا ياخدوا كورسات عشان يتعرفوا على ولاد تانيين. وكمان بيحبوا يقضوا وقت مع ماما وبابا وبيتبسطوا جدًا لما الكبار بيلعبوا معاهم بدل ما يسيبوهم يلعبوا ويتفرجوا من بعيد.
أسماء طفل برج الجوزاء
اختاري اسم يليق على الشخصية دي، اسم برا الصندوق، جديد ومش مألوف. وهتشوفي إن بعد كام سنة الاسم ده بقى تريند. ليه؟ لإن ولادك من مواليد برج الجوزاء بيأثروا في اللي حواليهم وبيكون لهم التأثير والسطوة على أصحابهم.
ازاي تتعاملي مع طفل برج الجوزاء
ذكية، اجتماعية، ومليانة طاقة، سهل تتعاملي معاهم وتصاحبيهم فيما عدا بعض تقلبات مزاجية هتيجي فجأة ومش هتعرفي تسيطري عليها. بيحبوا الأطفال التانية، وبيحبوا الاجتماعيات، رغايين جدًا، بيحبوا يتعلموا وبيحبوا يسألوا كتير، لو مش عايزة تردي على الأسئلة أو مش فاضية، عرّفيه طريق معرفة، علميه القراءة، فهميه استخدام موسوعة أو قاموس، فرجيه على ناشونال جيوجرافيك (حاجات تكوني انتي شفتيها وعارفة إنها مناسبة لسنه). كمان أطفال برج الجوزاء يبحبوا الحواديت قوي، مش بس اللي بيسمعوها، اللي هيقولوها لك واللي ممكن تكون أجزاء منها ما حصلتش. مهم ما تقوليش لطفلك إنه كداب أو توصميه، لكن برضه فهميه أهمية الحكاية الصادقة عشان تقدري تساعديه.
طفل الجوزاء بيحب: الخصوصية والأصدقاء والاحترام المتبادل (يعني يحس إنك بتحترميه قد ما بيحترمك).
طفل الجوزاء بيكره: الروتين والسلطة (حد يفرض سلطة عليه) والمسؤولية.
مصدر ساعدنا في كتابة المقال
Horoscope
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك