العديد من السيدات مش بيقدروا يتحملوا فكرة الولادة من غير وجود الزوج، في حين إن فيه مجموعة سيدات تانية بيحتاروا ما بين الرغبة في الحصول على دعم وفي نفس الوقت عايزة تعيش تجربة الولادة كاملة من غير أي ضغط. دور الأب في الولادة أنه يحضر بيكون موضوع عادي ومقبول بالنسبة لناس، ومجموعة تانية بترفضه بسبب قيود المجتمع، وخصوصًا إن حضور الأب للولادة ولما يشهد على مدى التعب اللي زوجته فيه وهو مش قادر يعمل لها حاجة، الموضوع ده ممكن يأثر على نفسيته بالسلب بشكل شديد. علشان كده، مهم جدًا تفكري كويس قبل القرار ده.
مهم كمان تناقشي زوجك في رغبة تواجده يوم الولادة معاكي في غرفة الولادة، وتسمعي وتتفهمي مخاوفه وتحترميها. وعلى الأب هو كمان إنه يفهم دوافع رغبة الأم في وجوده معاها. ومهم جدًا كل واحد يعرف حدوده في اليوم ده توصل لحد فين، لإن أي خطأ في اليوم ده قادر على التاثير بالسلب على حياتكم مع بعض في المستقبل.
اعرفي هنا ليه بعض الأزواج ما بيقربوش من الست بعد الولادة
علشان كده، لازم الأب يختار بنفسه حضور الولادة من غير ما يتعرض لضغط، زي ما بالظبط من حق الأم تقرر ترضع طفلها طبيعي ولا صناعي، الأب يقدر يحضر الفترة الأولى في الولادة المتمثلة في فترة اتساع عنق الرحم اللي ممكن تمتد لـ7 ساعات لو أول ولادة، ويقدّم لها الدعم النفسي والتفهم لتعبها.
وجود الأب في اليوم ده حقيقي بيفرق جدًا في نفسية الأم. علشان كده، أي تهرّب من اليوم ده كفيل إنه يسيب ذكرى سيئة عند الأم تأثر على باقي حياتكم، دور الأب الحقيقي موجود في كل لحظة في حياة الأم والطفل من أول ما يتكون الجنين في رحمها. مع اقتراب ميعاد الولادة، بيبدأ الأب يسأل إيه الدور اللي عليه يعمله استعدادًا ليوم الولادة، والحياة هيكون شكلها ازاي بعدها. علشان كده، مهم منك تشاركي زوجك دوره كأب في التجهيزات المطلوبة من قبل الولادة اللي تخليه مستعد ليوم الولادة.
دور الأب في الولادة
- التوقف عن العادات الصحية الخاطئة
- اكتساب الخبرة
- تقسيم المسؤوليات
- المشاركة في متابعة فحوصات الحمل
- الاستعداد العاطفي
- حساب المصاريف
- مواجهة المخاوف
- القراءة عن الولادة
- اختيار (مشترك) لمكان الولادة
التوقف عن العادات الصحية الخاطئة
زي التدخين مثلً.، لو الأب مدخن فمن الأفضل ليه وليكي وللمولود إنه يقلع عن العادة دي لأن أثرها السلبي عليكم حقيقي خطير.
اكتساب الخبرة
وده بحصل لما إنتي وزجك تتكلموا عن الأبوة والأمومة مع حد سابق له الخبرة في الموضوع ده. اسألوا دايمًا علشان يكون عندكم استعداد لما هو قادم.
اتفقوا وقسموا المسؤوليات
مهم تتفقوا على دور كل واحد فيكم في رعاية المولود الجديد، وإنكم إنتم الأتنين تتعلموا ازاي تشيلوه صح، تغيروا الحفاضات صح ازاي، يستحمى ازاي، وباقي الحاجات اللي بيحتاجها المولود.
بالفيديو: المساحة الشخصية في العلاقات الزوجية
المشاركة في متابعة فحوصات الحمل
اطلبي من زوجك إنه يجي معاكي في مواعيد متابعة الحمل الزيارات الطبية على قد ما يقدر، ومعرفة تفاصيل حملك وصحة جنينك.
استعدوا عاطفيا
تسعة شهور الحمل بتدي وقت كافي إنكم تقروا عن أدواركم وازاي تتعاملوا مع المولود، وخصوصا إيه اللي مفروض تتوقعوه لو كمان دي لسه أول ولادة.
حساب حجم المصاريف
اطلبي من زوجك التخطيط وكتابة تكاليف واحتياجات المولود الجديد من أول تكاليف الولادة والمستشفى، علشان يقدر يدبرها قبل ولادتك.
مواجهة المخاوف
واجهي وناقشي أي مخاوف تتعلق بالأبوة والأمومة مع زوجك، علشات تخففي من قلقه وقلقك.
القراءة عن يوم الولادة
اقرأي مع زوجك عن علامات الولادة ومراحلها المختلفة، علشان يعرف امتى المفروض ياخدك على المستشفى.
اختاروا مكان الولادة
من الأمور اللي هتريحكوا جدا قبل الولادة هو اختيار مكان الولادة إذا كان في مركز أو مستشفى؟ مين هيحضر؟ وإيه اللي مفروض جوزك يعمله وقتها، التخطيط المسبق هيخلي اليوم يمشي بهدوء.
دلوقتي تقدري تقدمي المقال ده لزوجك علشان يبتدي يعرف إيه اللي مفروض عليه يعمله كأب، وتبتدوا مرحلة جديدة مع بعض وإنتم على وعي باللي هيواجهكم علشان تفضل علاقتكم قوية مع بعض.
التعليق باستخدام حساب فيس بوك