البشرة وخاصة بشرة الوجه بتتأثر بالعوامل الخارجية المختلفة، واللي بسببها بتلاقي نفسك بتعاني من بشرة شاحبة، أو داكنة وفيها بقع، مافيش نضارة والحيوية، لكن جهاز ديرما بن أصبح هو الأمل في حل المشكلات دي. الديرما بن جهاز عبارة عن عدة إبر دقيقة مهمتها الأساسية هي شد البشرة ورفعها وتجديد شبابها. وهنا النهارده هنتعرف مع بعض على كيفية استخدام جهاز ديرما بن في المنزل خطوة بخطوة.
ما هو جهاز ديرما بن؟
جهاز ديرما بن هو في الأساس جهاز صغير بيكون شبه القلم تقريبًا، وفي نهاية الجهاز مجموعة إبر دقيقة. بشكل عام، الجهاز بيستخدم في الصالونات والعيادات في جميع أنحاء العالم، لعلاج عيوب البشرة وتحسين المظهر العام للبشرة. وفي الأساس، بيستهدف العلاج الأشخاص اللي بيعانوا من مشاكل جلدية معينة، واللي عايزين يحصلوا على بشرة مشدودة ومتجددة ومتألقة، ودي نتيجة جهاز ديرما بن يقدر على تحقيقها بالتأكيد.
وفي جميع أنحاء العالم، فيه آلاف من البشر أضافوا جهاز ديرما بن إلى روتين عنايتهم ببشرتهم وخصوصًا بشرة الوجه وده بسبب فعاليته وكفاءته فيما يخص معالجة مشاكل الجلد الشائعة زي: التجاعيد والعلامات اللي بتظهر عند كبر السن، ومجموعة الخطوط الدقيقة ومشاكل فقدان الشعر، وحب الشباب والندبات الناتجة عنه، ومشاكل تصبغ الجلد.
فوائد استخدام جهاز ديرما بن في المنزل للوجه؟
في الأساس، بيستخدم علاج ديرما بن لعلاج مناطق الجسم أو الوجه المصابة بالندبات وعلامات التمدد والتجاعيد، وتقليل ظهور ترهلات الجلد، والتخلص في نفس الوقت من الخطوط البيضاء اللي بتصيب الجلد. فالديرما بن ممكن استخدامها لإجراء العلاج على جميع أجزاء الجسم، وهو فعال جدًا في تقليص حجم المسام، وعكس التصبغ أو أضرار أشعة الشمس، وتحسين لون البشرة.
- علاج حب الشباب العلاج بالديرما بن فعال جدًا لعلاج أثار حب الشباب. بعد إصابة الجلد لحب الشباب، اللي بيحصل إنه بيتم استبدال الجلد الطبيعي بنسيج ليفي (تليف) له تركيبة مختلفة شوية عن نسيج الجلد الطبيعي، وده اللي بيخليه بظهر في شكل واضح أكتر وسميك عن باقي البشرة. ولما بيحاول الجلد التعافي، بتتشكل أنسجة على شكل ندبة وبتالي إلى تشوه الكولاجين، وكل ده بيسبب ظهور أثار حب الشباب.الديرما بن بتساعد في تقليل ظهور أثار حب الشباب عن طريق تفتيت التليف وأنسجة الندوب غير المتساوية، وبالتالي تشجيع نمو أنسجة جديدة.
- علاج الخطوط الدقيقة الوخزات الدقيقة لجهاز الديرما بن بيعمل على عكس عملية شيخوخة الجلد إلى حد ملحوظ، اللي بيحصل إنه أثناء العملية، الثقوب الصغيرة من الإبر بتحفز الجلد على إنتاج المزيد من الكولاجين والإيلاستين، وده بيؤدي بدوره لزيادة سماكة الجلد وشده، فلما تدخلي في مرحلة التعافي من الثقوب دي الجسم بيعمل على تكوين طبقة جديدة من الجلد لإظهار مظهر أكثر نضارة وشبابًا.
- علاج مضاد للشيخوخة بالإضافة إلى عكس علامات الشيخوخة،الديرما بن بتساعد على منع ظهور الجلد الباهت والتجاعيد علينا. في الأساس مع تقدمنا في السن بتبدأ بشرتنا في إنتاج كمية أقل من الكولاجين. وبالتالي بتطهر بشرتنا بمظهر البشرة المتعبة والباهتة ومتجعدة. علشان كده، كان من المنطقي جدًا استخدام طريق العلاج بالوخز للتحفيز على إنتاج الكولاجين لأنها فعلا طريقة رائعة في تجنب كمية مشاكل غير عادية بتتعرض لها البشرة. لأن لما تنمو الخلايا الجديدة مكان القديمة وهي أشد صحة هتلاقي إن الخطوط الدقيقة بتختفي، ومع الاستمرار في النوع ده من العلاج هتلاحظي فرق غير عادي في نضارة بشرتك خصوصا إن عملية التعافي بتمر بشكل طبيعي وبالتالي مفيش آثار سلبية على بشرتك.
كيفية استخدام جهاز ديرما بن في المنزل للوجه
لا يختلف استخدام جهاز ديرما بن الكهربائي في المنزل كتير عن استخدام الأسطوانة اليدوية الدقيقة اللي بنجيبها في البيت، حيث أن الخطوات هي نفسها:
- أول حاجة تطهير الجهاز، وبعد كده، تحطي كريم مخدر، وتستني 15-20 دقيقة. تأكدي من مسح كل البقايا لأنها ممكن تسد الجهاز.
- نظف بشرة الوجه كويس جدًا، وبعد كده، استخدمي سيرم المعالجة ويفضل أنه يكون حمض الهيالورونيك.
- شغلي الجهاز بالعمق المناسب للعلاج اللي عايزاه.
- مرري الجهاز على الجلد في جميع الاتجاهات (لأعلى ولأسفل، ومن جانب إلى جانب، وبشكل دائري على كل الوجه) حوالي 5 مرات في كل اتجاه.
- بعد العلاج استخدمي سيرم فيتامين سي.
هتلاقي بعد العلاج حرارة في جلدك، وممكن تحسيه إنه بيلسع زي حروق الشمس الخفيفة، فلو حسيتي بضيق في بشرتك بعد الجلسة، استخدمي ماسك من حمض الهيالورونيك لمدة 15-20 دقيقة (قبل سيرم فيتامين سي) واللي بدوره بيمنح البشرة ترطيب لطيف. وبعد كده، استخدمي سيرم فيتامين سي، مهم تعرفي إنك تستخدمي المياه الفاترة لغسيل بشرتك لمدة 24 ساعة بعد الخضوع لجلسة العلاج.
كم عدد علاجات ديرما بن التي أحتاجها؟
زي أي علاج فالموضوع ده بيختلف من شخص للتاني. عمومًا الطبيب المختص هو اللي يقدر يحدد لك إنتي هتحتاجي كام جلسة واللي بتعتمد على حسب المنطقة اللي بتتم معالجتها. وكدليل عام:
- آثار حب الشباب: 4-6 علاجات، على 6 أسابيع.
- تجديد الجلد / تحفيز الكولاجين: -4-6 علاجات، كل 4 أسابيع.
- علامات التمدد: 4-6 علاجات تقريبا، على 6 أسابيع .
نصائح للعناية بالبشرة بعد الديرما بن
- استعملي منظف لطيف لتنظيف الوجه لمدة 72 ساعة ومش بيحتوي على كحول أو عطور.
- تأكدي دايمًا من نظافة إيدك عند لمس المنطقة المعالجة.
- استخدمي المرطب اللي وصفه ليكي المختص للترطيب خلال الـ 24 ساعة التالية للجلسة.
- تجنبي تتناول أي أدوية للالتهابات لمدة أسبوعين على الأقل بعد العلاج.
- امتنعي عن وضع مكياج أو كريم الوقاية من الشمس لمدة 24 ساعة بعد الجلسة
- وبعد كدة اسخدمي واقي من أشعة الشمس UVA / UVB واسع الطيف مع عامل حماية لا يقل عن 30 لمدة أسبوعين.
- ممنوع تستخدمي أحماض ألفا هيدروكسي، بيتا هيدروكسي، فيتامين C، فيتامين A لمدة أسبوع بعد الجلسات.
- تجنبي السباحة لمدة 24 ساعة على الأقل بعد العلاج.
ده كل اللي محتاجة تعرفيه عن الديرما بن للبشرة، وفوائدها وطريقة استخدمها على الوجه، إذا كنت مستعدة للتجربةدي، استشيري طبيبك وابدئي بالجلسات لنتائج رائعة بمدة قصيرة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك