أفكار ديكورات لتجهيز روف المنزل لسهرات الصيف

يا بخت إللي عنده روف، منه للسما، يشم الهوا ويطل على منظر جميل، يسهر ويتفرج على النجوم وخصوصًا في ليالي الصيف. لو كان رووف صغير أو كبير، لو كان بيطل على عمارات أو بيشوف النيل، بشوية أفكار لذيذة تقدري تجهزيه، وتخليه أحلى مكان للصيف وسهراته وسمره. عشان كده النهارده، جمعنا لك أفكار متنوعة لديكورات روف المنزل عشان لو حبيتي تضيفي أجواء جديدة لأسرتك ولضيوفك في الصيف.

 

تحضيرات ديكور الروف

تعالي الأول أقول لك على أهم التحضيرات إللي ممكن تعمليها عشان تجهزي الروف بتاع بيتك لقعدات الصيف وسهراته:

• نضفي الفرش الخارجي تنضيف عميق، يعني لو عندك أطقم جلوس خارجية، كنب، كراسي، ترابيزات، مرجيحة، ألعاب للأطفال، ابدأي نضفيها كويس جدًا.
• اعملي صيانة لأي حاجة من فرش الروف الموجود عندك عشان ترجعي له كفائته، وكمان تقدري تقومي بنفسك بإعادة دهان أي حاجة مصنوعة من الحديد أو المعدن زي المراجيح، لعب الأطفال، الشوايات الخارجية، أي فرش فيه أجزاء معدنية، ادهنيه طبقة من الدهانات الخارجية إللي بتحميه من الرطوبة والعوامل الجوية.
• لو عندك شواية، نضفيها كويس بكل أكسسواراتها وجهزيها للاستخدام، تقدري كمان تخصصي رف بسيط أو صندوق لمشتملات الشوي زي الفحم والمسّاكات وشبك الشوي وغيره.
• استغلي الرووف في إنك تعملي إعادة تدوير لأي حاجة مش محتاجاها جوة البيت، ممكن يكون لها استخدام بشكل ديكوري جديد على الرووف.
• لو بتحبي الزرع، ابدأي اعملي توضيبه كده للزرع الموجود عندك، قصيه، ضيفي له سماد ومغذيات، انقليه في أصاري جديدة لو محتاج، بحيث يبقى شكله مبهج وجميل.

 

ادخلي هنا عشان تشوفي أحدث ألوان دهان الحوائط 2021

 

دلوقتي بقى تعالي نشوف الأفكار إللي جمعناها لك لعمل ديكور روف بسيط وجديد:

 

ضيفي عنصر الألوان

 

يعني نوّعي في ألوان الزرع، واختاري مزروعات لها ورود وأوراق ملونة عشان تضيف بهجة للمكان، وكمان تقدري تضيفي عنصر الألوان من خلال شلت ومخدات ملونة لفرش السطح أو حتى سجادة أو كليم مناسب للأماكن المفتوحة يكون فيه ألوان صيفي مبهجة.

 

 

ضيفي عناصر للتظليل

إضافة برجولة خشبية بتصميم مناسب وبسيط، أو حتى شمسية فوق الفرش الخارجي للسطح بيحميكي من الشمس في النهار وبيوفر لك مكان مظلل، وبالليل بيديكي إحساس بالخصوصية وتقدري كمان تستغلي البرجولة وتزينيها بالبي لايتس وعناصر الإضاءة المختلفة.

 

 

سحر الإضاءة

 

الإضاءات بأنواعها هتضيف جمال غير طبيعي للروف بتاعك، سواءً بي لايتس، أو مصابيح بأحجام مختلفة تتنور بالشموع، أو إضاءات غير مباشرة موجهة من أسفل لأعلى على أحواض الزرع مثلًا أو على أي حوائط محيطة للروف، كل دي عناصر هتضيف دراما للمكان وبعد تاني من الجمال حتى لو الروف صغير اللمسات البسيطة دي هتخليه فعلًا مميز.

 

 

تصميم الأرضيات

دلوقتي محلات الديكورات ومستلزماتها بقى عندها اختيارات ما لهاش عدد من التشطيبات الخارجية للأرضيات، لو كان عندك أرضيات متهالكة وحبيتي تجدديها، هتلاقي اختيارات كتير جدًا مناسبة لذوقك وميزانيتك. كمان النجيلة الصناعي تعتبر اختيار هايل للروف وهتديكي إحساس بالصيف وهتضيف عنصر الألوان، وفيه منها أنواع وأشكال كتير وتعتبر اقتصادية وسهلة وسريعة في تركيبها.

 

 

اعملي ركن مميز

لو بتحبي القهوة، ادخلي هنا عشان تشوفي 30 تصميم لركن القهوة في بيتك

 

خصصي ركن للشوي مثلًا وده هيكون حسب مساحة الروف، يعني ممكن يكون مجرد ركن بسيط فيه شواية صغيرة، أو كاونتر كامل في مكان مخصص للشواية ومنافع أخرى للتخديم على منطقة الشوي. صممي الكاونتر بتصميم مميز عشان يكون مستغل بطريقتين طريقة خدمية وطريقة جمالية كعنصر من عناصر ديكور السطح.

 

تقدري كمان تعملي ركن عربي شرقي، عبارة عن شلت على الأرض أو على مصاطب وده هيكون ركن مميز جدًا وشبابي جدًا.

 

ولو بتحبي الأعشاب الطازة خصصي مكان بسيط لزراعة الأعشاب العطرية هتفيدك وهتدي شكل جمالي.

 

ولو ليكي في السهر صباحي قدام الأفلام في طراوة الصيف الجميلة، خصصي مكان لشاشة كبيرة، أو حتى اعرضي الأفلام ببروجيكتور على أي مسطح أبيض كبير غير عاكس عشان تبقى سينما بجد!!!

 

استغلي الحوائط والأسوار

 

لو بتحبي الديكورات، ادخلي هنا عشان تشوفي ديكورات غرف نوم أولادي

 

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك