محتويات المقال
مشكلة تعرق الجسم عمومًا، والمنطقة الحساسة ( منطقة البكيني) خصوصًا، من الحاجات اللي بتدايق أي ست، لكن في الصيف ومع ارتفاع درجة حرارة الجو، وزيادة العرق، بتحصل مشكلة من مشاكل الصيف واللي هي: تغير رائحة منطقة المنطقة الحساسة، وعلشان تتخلصي مش الشعور ده، هنقولك على 3 نصائح لتجنب رائحة العرق في منطقة البكيني لازم تأخدي بالك منها.
النضافة الشخصية لمنطقة البكيني
وعلى قد ما النصيحة دي تبان عادية أو معروفة، لكنها أهم نصيحة على الإطلاق، والنصيحة دي بتشمل كذا حاجة:
- إزالة الشعر الزائد من منطقة البكيني.
- تغيير الملابس الداخلية باستمرار.
- الحفاظ على النضافة باستمرار لتجنب رائحة العرق في منطقة البكيني، سواء بتنضيفها الجيد بعد العلاقة الحميمة، أو بعد دخول الحمام، والحفاظ عليها جافة مش رطبة.
- المحافظة على نضافة الملابس الداخلية، وعدم رش أي عطور عليها.
ودي أهم المقالات اللي هتساعدك على العناية بالمنطقة الحساسة:
- طرق إزالة الشعر من المنطقة الحساسة بدون ألم
- أفضل أنواع الغسول المهبلي للعناية بالمنطقة الحساسة
- العناية بالمنطقة الحساسة101
البسي الملابس القطنية
- ودي مهمة جدًا، لإنها بتساعد على امتصاص العرق وتبخره، وبالتالي الحفاظ على المنطقة دي جافة، واتأكدي من وإنتي بتشتري ملابسك الداخلية إنها مكتوب عليها قطن 100%.
ابعدي عن الملابس الضيقة
- وخصوصًا الجينز والقماش التقيل، ليه؟ لإن الملابس الضيقة بتمنع التهوية عن منطقة البيكيني، وبتعمل احتكاك شديد، وده بيسبب ارتفاع درجة حرارة المنطقة الحساسة وده يعني مزيد من العرق، ومزيد من الرائحة الكريهة، فحاولي قدر الإمكان لبس الهدوم الواسعة اللي من قماش خفيف وطبيعي.
- ولو أخدتي بكل الاحتياطات والنصائح في الحافظ على نضافة منطقة البيكني، بس لسا فيه ريحة كريهة، في الحالة دي لازم ترجعي لطبيب النساء، علشان يقدر يشخص لك السبب، إذا كان من التهابات أو أي أسباب طبية تانية.
مع تمنياتنا ليكي بصيف منعش ولطيف.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
webteb.com
webteb.com
What’s your Reaction?
التعليق باستخدام حساب فيس بوك