محتويات المقال
فيه معتقد خاطئ ناس كتير قوي بتبقى مؤمنة بيه، وهو إن أي أم أول لما تحمل المفروض توقّف أي نشاط بدني حتى لو حاجة بسيطة زي المشي، بس في الحقيقة، المعتقد ده مش مضبوط 100%. طبقًا لموقع WebMD النشاط البدني والتمارين في الحمل مفيد لصحتك، وممكن يقلل من وجع الضهر ويقلل من مخاطر الإصابة بسكر الحمل، وكمان بيسهل عملية الطلق والولادة. وعشان راحة بالي دايمًا بتدعمك وتساندك في كل مراحل أمومتك، وعشان رحلة الحمل من أهم المراحل دي، عملنا لك برنامج راحة بالي Pregnancy Program أول برنامج رياضي للحوامل هنتعرف عليه أكتر في المقال ده.
إيه هو راحة بالي Pregnancy Program؟
برنامج راحة بالي للحوامل هو أول برنامج رياضي وغذائي في مصر مخصص للحوامل، وتقدري تنضمي للبرنامج من الشهر الرابع في حملك، بس بنحب نفكرك قبل ما تنضمي لبرنامج راحة بالي للحوامل، لازم تستشيري دكتور النسا الخاص بيكي عشان يتطمن إن حالتك مستقرة ومفيش أي مشاكل في الحمل تمنعك من ممارسة نشاط بدني.
ليه تنضمي لبرنامج راحة بالي للحوامل؟
الرياضة والنظام الغذائي للحامل
برنامج راحة بالي مصمم بحرص شديد على إيد أفضل المدربين وخبراء التغذية عشان يقدموا لكل الأمهات الحوامل أفضل نظم غذائية والتمارين المناسبة ليكي طول فترة الحمل مرتين أسبوعيًا وكمان التمارين الرياضية مش مرهقة أبدًا ليكي وبتساعدك على النشاط وصفاء الذهن. كمان فيه حصص اليوجا اللي بيبقى مخصص ليها وقت كل أسبوع. أما بالنسبة للنظام الغذائي، فكل أم بيبقى ليها برنامج غذائي مخصوص ليها كل أسبوع، عشان يناسب احتياجاتها ويخليها في صحة كويسة في رحلة الحمل.
تحسين الصحة النفسية للحامل
البرنامج مش بس مجرد رياضة ودايت، عشان هتلاقي المدربين معاكي في كل الأوقات Online Support حتى لو مش في مواعيد التمارين، بيدوكي طاقة إيجابية ويهتموا بصحتك النفسية. وكمان هتلاقي مساعدة بنصايح لفترة ما بعد الولادة مباشرةَ، غير الأمهات اللي معاكي اللي هتتعرفي عليهم في البرنامج وتشاركوا تجاربكم ونصايحكم وتكوّني صداقات جديدة معاهم 🙂
مدة برنامج راحة بالي Pregnancy Program
مدة البرنامج مش طويلة، وهتكون مناسبة ليكي لو إنتي بتشتغلي لإنها بتبقى شهر واحد. والتمرين بيبقى مرتين بس في الأسبوع وممكن كمان تيجي مرة أسبوعيًا لو مش حابة تشتركي في البرنامج على مدار الشهر.
خصم كارت راحة بالي Rahet bally Card
سمعتي عن كارت راحة بالي .. ده أقوى كارت خصومات وتخفيضات للأمهات في مصر، ومن ضمنها برنامج راحة بالي للحوامل. الكارت عليه أكتر من 2000 مكان ومحل بيقدموا خصومات من 10 – 30% على ألعاب أطفال، ملابس أطفال، مكياج، صيدليات، مدارس، حضانات، مكتبات، الشعر وأكسسوارات ومجوهرات ومنتجات العناية بالبشرة .. شوفي تفاصيل أكتر عن Rahet Bally Card هنا.
اتعرفي أكتر على السعر والبرنامج وازاي تشتركي من اللينك ده وبنتمنى لك رحلة حمل وولادة سهلة وجميلة 🙂
التعليق باستخدام حساب فيس بوك