عشان راحة بالي من أكبر المنصات اللي بتهتم براحتك في كل تفاصيل حياتك كأم وزوجة وابنة كمان، راحة بالي عملت لك مفاجأة وبدأت مشروع جديد من نوعه، وعملت لك راحة بالي TV. راحة بالي هيكون جنبك وهيدعمك في كل خطوات حياتك ببرامج جديدة ولقاءات مع أشهر الخبراء وكمان نصايح وأفكار هتسهل عليكي حياتك. تعالي نتعرف أكتر على راحة بالي TV في الموضوع ده.
إيه هو راحة بالي TV؟
عبارة عن قناة مصرية على الـYoutube مخصصة كليًا للأمهات. وزي ما نادية جمال الدين مؤسسة راحة بالي بتقول: “راحة بالي TV زي نتفليكس للأم المصرية” من خلال الفيديوهات والبرامج السريعة اللي بتقدم المعلومات والنصايح اللي بتخص كل مراحل الأمومة من أول الحمل للولادة والتطعيمات والمدارس والصحة والجمال والطبخ وكل ما يخص الولاد، وغيرها كتير من البرامج اللي بتناقش كل تفصيلة في رحلة الأمهات بشكل منجز وسريع هيسهل عليكي حياتك كتير.
برامج راحة بالي TV
راحة بالي تي ڤي وصل، راحة بالي تي ڤي يعني خلاصة خبرات كل المتخصصين في كل المجالات اللي ممكن تحتاجيها في حياتك بشكل ملخص…
Posted by Rahet Bally on Saturday, October 17, 2020
برامج راحة بالي من يوم الحد للخميس هتجيب لك الخلاصة في الفيديوهات بشكل سريع ومنجز، هتلاقي مواضيع كتير زي الطبخ والرياضة والعناية بالبشرة وكمان هتلاقي أشهر الخبراء والدكاترة والاستشاريين اللي هيردوا على كل الاسئلة اللي ممكن تيجي في بالك. وأهم حاجة ما تنسيش تشتركي في قناة راحة بالي على اليوتيوب وكمان جبنا لك جدول البرنامج عشان تختاري البرنامج المفضل ليكي.
تابعي البرامج على راحة بالي TV، وقولي لنا في كومنت إيه أكتر حلقة عجبتك.
التعليق باستخدام حساب فيس بوك