كتير مننا أول ما بتولد، بتبقى عايزة تفقد وزن الحمل بسرعة، لكن الرجيم العادي ما بينفعش في وقت الرضاعة خاصةً الرضاعة الطبيعية. عشان كده، فيه حاجة اسمها رجيم الرضاعة وهو نظام رجيم للمرضعات ما يخليهاش تكسب وزن ويخليها تفقد وزن الحمل في نفس الوقت. في المقال، هنقول لك نصائح إنك تعملي رجيم وانتي مرضعة.
قائمة الأدوية الآمنة والممنوعة خلال الرضاعة الطبيعية
رجيم الرضاعة – تاكلي إيه؟
- كلي بروتين من مرتين لتلاتة في اليوم: البروتين ممكن يكون لحوم أو طيور أو سمك أو بيض أو منتجات ألبان أو بقوليات أو مكسرات أو حبوب. البروتين أكتر عنصر بيخلي البطن تشبع لفترة طويلة.
- كلي الخضار 3 مرات في اليوم في شكل سلطات أو خضار سوتيه، الخضراوات بمختلف الألوان هتشبعك وتغذيكي ومش هتزيد وزنك.
- كلي ثمرتين فاكهة.
- كلي حبوب كاملة: كلي العيش بالحبوب الكاملة وحاولي تاكلي المكرونة البني والشوفان.
- اشربي ميا من لترين لتلاتة. دي من أهم الحاجات للمرضع.
- غير الميا، اشربي سوائل كتير، زي الينسون والأعشاب المختلفة.
- ممنوعات الحمل مش لازم تكون ممنوعة في الرضاعة. ارجعي لدكتورك عشان تتأكدي لو لازم تستمري في منع حاجة.
- لو انتي نباتية، لازم تاخدي مكملات غذائية من الحديد والزنك وب12.
تاكلي قد إيه؟
الرضاعة الطبيعية بتحتاج سعرات زيادة. وكده كده، فيه سعرات بتتحرق في عملية الرضاعة وإنتاج الحليب. بس السعرات الزيادة دي مش هتكون أكتر من 500 – 600 سعر عن الـ1200 سعر اليومية. وبعد العام الأول، لما تدخلي لابنك وجبات، لازم تشيلي السعرات دي بالتدريج.
الكافيين
الكافيين بينزل في الحليب، ومعظم الأطفال ما بيحصل لهمش ضرر من الكافيين لكن لو بتشتكي إن رضيعك ما بينامش، راقبي الكافيين اللي انتي بتشربيه، وقلليه.
الحساسية عند الرضع
- بعض الأوقات، الرضع بيبان عليهم أعراض حساسية. وقتها لازم تنتبهي لأنواع الأكل اللي بتاكليها عشان أوقات بتكون هي السبب في الحساسية اللي عندهم.
- أغلب الأوقات، الحساسية بتكون أسبابها منتجات الألبان والصويا والقمح والبيض. يليهم السمك والمكسرات والفول السوداني. لكن عامةً الطفل للأسف ممكن تصيبه حساسية من أي نوع أكل بتاكليه.
- تجربتي: حكاية ابني مع حساسية الطعام
- د. محمد فاروق بيقدم لك الدليل الكامل عن حساسية الطعام
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر
chop.edu
What’s your Reaction?
التعليق باستخدام حساب فيس بوك