محتويات المقال
اشتهر رجيم سيرتفود بعد ما أعلنت المطربة الشهيرة آديل إنها خسرت 45 كيلو من وزنها بسبب الرجيم ده، من هنا بدأت عمليات بحث محمومة عن حمية سيرتفود، وجدول رجيم سيرتفود، و وصفات رجيم سيرتفود، و نظام سيرتفود عموما، لذلك حبينا نوفر عليكم البحث الكتير وجبنالكم هنا دليل رجيم سيرتفود بالتفصيل للمبتدأين.
ممكن تشوفي كمان: سكراب القهوة حلك المثالي والسحري لعلاج السيلوليت
إيه هو رجيم سيرتفود؟
الرجيم ده ابتكره اتنين من أشهر خبراء التغذية واللي بيشتغلوا في صالة رياضية خاصة في المملكة المتحدة، وبيسوقوا للرجيم ده باعتباره ثورة في مجال التخسيس وكمان نظام صحي لاستعادة “جينات النحافة”.
باختصار الرجيم تم تأسيسه بناء على أبحاث اتعملت على سبع بروتينات في الجسم مفروض انها بتنظم وظايق الجسم بما فيها التمثيل الغذائي والالتهابات والعمر وغيره، وبعض الأكلات الطبيعية بتزود نسبة البروتينات دي في الجسم، ولذلك أطلقوا على الأكلات دي سيرتفوود.
لو مهتمه بالدايت كل شيء عن النظام النباتي Plant Based Diet
يا ترى إيه هي الأكلات اللي بيتأسس عليها النظام ده؟
يعتبر رجيم سيرفتود واحد من أحدث أنواع الرجيم، عليه إقبال كبير من المشاهير في أوروبا لأنه من الأنظمة اللي مسموح فيها النبيذ الأحمر والشيكولاتة، النظام بيتضمن أطعمة بتطلق السروتونين في الجسم مع تقييد السعرات الحرارية وده بيحفز الجسم إنه ينحف بسرعة وفعالية مع الحفاظ على الكتلة العضلية والحماية من الأمراض المزمنة، لكن في نفس الوقت مع الالتزام بمكونات أساسية للأكلات في النظام ده، زي:
- الكرنب
- النبيذ الأحمر
- الفراولة
- البصل
- الصويا
- البقدونس
- زيت الزيتون البكر الممتاز
- الشيكولات الغامقة 85% كاكاو
- شاي الماتشا الأخضر
- ألحنطة السودا
- الكركم
- عين الجمل
- الجرجير
- الفلفل الحار
- التمر المجدول
- التوت
- الشيكوريا
- القهوة
اعرفي الفرق بين Vegetarian و Vegan و Plant-Based Diet
هل هو صحي فعلا؟
في الواقع مفيش أدلة كفاية بتدعم ادعاءات النوع ده من أنواع الرجيم، ومفيش اختبارات بشرية طويلة تقول إذا كان فعلا صحي ولا لأ، وإن كان الخبراء اللي أطلقوا الرجيم بيأكدوا إنهم اختبروه على 39 مشارك في مركز اللياقة البدنية الخاص بيهم، لكن في المقابل خبراء الصحة بيحذروا من الرجيم ده وبيأكدوا إنه لا يرقى للضجيج المثار حوليه، بل إنه ممكن يكون فكرة سيئة خاصة إن نتائج الدراسة اللي عملها أصحاب السرتفود ماتنشرتش في مكان، ناهيك عن إن خسارة الوزن بمعدل كبير يوصل لتلاتة ونص كيلو جرام في الأسبوع فكرة سيئة لأنه بمجرد انتهاء النظام الغذائي الجسم بيرجع يخزن الأكل من تاني وبتستعيد وزنك القديم كأنك معملتش حاجة.
رجيم الكيتو.. أسرع رجيم لحرق الدهون
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
healthline
التعليق باستخدام حساب فيس بوك