محتويات المقال
لما بنيجي نختار اللون اللي هنصبغ بيه شعرنا، بنختار بناءً على اللون المرسوم على علبة الصبغة، أو بنشوفه على شعر حد غيرنا في الحقيقة، أو على صور موديل على النت، لكن للأسف مش دايمًا النتيجة بتطلع زي كل اللي شوفناه، لإن كل حد فينا له درجة لون شعر خاصة، ونسبة استجابة الشعر للتلوين، بناءًا على درجة لون الشعر، وعلى نسبة وجود الشعر الأبيض أو الفاتح، علشان كده مرات نتيجة الصبغة بتكون محبطة جدًا، وبنفتكر إن خلاص كده مفيش حل غير إننا نصبغه تاني من أول وجديد، بس الحقيقة إن في حل كويس جدًا اسمه الرنساج، هنقولك إيه هو وازاي تعمليه:
-
إيه هو الرنساج؟
هو حل لإخفاء عيوب لون صبغات الشعر، وبيكون من ألوان معينة متدرجة بين الأزرق والأخضر والرمادي مخلوطة بنسبة معينة من الشامبو وصبغة الأكسجين، وتقدري تخلطي المكونات في البيت، أو تشتريه جاهز من محلات مستلزمات التجميل.
-
إزاي أعمل الرنساج في البيت؟
المكونات:
- ملعقة كبيرة من صبغة خضراء (أو اللون المناسب للون الأصلي للصبغة).
- ربع فنجان من صبغة الأكسجين عيار 20.
- ربع فنجان من الشامبو.
الطريقة:
اخطليهم كويس قوي مع بعض، واستخدميهم زي البلسم على شعرك، حطيهم 10 دقايق لربع ساعة، وبعدين اشطفي شعرك كويس.
-
نصايح لاستخدام الرنساج للشعر:
- الرنساج بيستخدم مش بس للون التالف من الأول، لكن تقدري تستخدميه لو بعد فترة حسيتي إن الصبغة بدأت تبهت على شعرك.
- لو انتي مش مترمسة قوي في الصبفات، الأفضل إنك تعملي الرنساج عند حد متخصص، أول على الأقل تستشيريه في درجة لون الصبغة اللي انتي محتاجاها للرنساج، ودي أفضل أماكن صبغ الشعر في القاهرة بالأسعار
- التزمي بالتعليمات اللي مكتوبة على العبوات كويس، علشان ما تعرضيش شعرك للتلف.
- حاولي قدر الإمكان من الأول تختاري ألوان صبغات لايقة على شعرك وعلى لون بشرتك، علشان ماتحتاجيش تغيريها أو تعدليها.
التعليق باستخدام حساب فيس بوك