في سلسلة روحنا وشفنا، فريق راحة بالي بيزور أماكن كتير وبيديكي ملخص الزيارة عشان لو حبيتي تروحي تكوني عارفة هتلاقي إيه وفين. في الحلقة دي من السلسلة، هناخدك معانا لمكتبة البلسم في شارع النيل، هنوريكي أبرز إصدارات دار البلسم وأهم عناوين تلاقيها هناك.
مكتبة ودار البلسم
تأسست دار البلسم للنشر في 2004 عشان كانت مؤسستها (السيدة بلسم) شايفة إن الاهتمام بأدب الأطفال من وجهة نظر الآباء والأمهات قليل في مصر وفي العالم العربي. وأسست الدار بالأخص عشان تساعد في إنهاء المشكلة دي. ولما أسست الدار وبدأت بالفعل في النشر، واجهتها مشكلة تانية وهي عدم وجود كتابات كتير ومن هنا جات فكرة الترجمة من الأدب الأجنبي للأطفال من ثقافات ولغات كتير منها الإنجليزية والفرنسية والأسبانية والألمانية والكورية. وبعد الترجمة والتوسع في أدب الأطفال المكتوب بالأساس باللغة العربية، أصبح فيه عدد كبير من المؤلفات لكن مفيش توزيع. وهنا جات فكرة مكتبة البلسم اللي افتتحت في 2010 عشان تضم كل العناوين العربية والمترجمة للعربية في مكان واحد.
إصدارات الدار الحاصلة على جوائز
إصدارات الدار كتيرة، وفيه منها ٣ حاصلين على جوائز واتنين كانوا في القائمة القصيرة لجوائز أدب الأطفال. الخمس كتب هم ليالي شهرزيزي ودمشق وفاقد الحب يعطيه وسنة في قنا والخروج من الفقاعة.
معرض الكتاب: أجمد 10 كتب للأمهات والأطفال إصدارات 2021
كتب أطفال عن الاختلاف
لو عايزين نعلم أطفالنا عن الاختلاف بشكل لطيف وعبارة عن حكايات، فيه ٤ كتب سهل تشتريهم من المكتبة وهم انظر أقرب، يونس، الضفدع الناري، والاختلاف.
كتب التربية في مكتبة البلسم
لو عايزة تقري عن أساليب التربية الصحيحة، فيه قسم لكتب التربية في مكتبة البلسم منهم الذكاء العاطفي في التربية ورحلة الحياة والكثير من الحب والكتاب الذي تتمنى لو قرأه أبواك.
7 من أهم كتب تربية الأطفال.. لازم تقريهم
كتب عن الخصوصية
وأخيرًا، من أهم الحاجات اللي لازم نعلمها كلنا لولادنا هي خصوصية جسمهم ودي أول طريقة تحميهم من التحرشتحميهم من التحرش.
نتمنى تزوروا مكتبة البلسم مع أطفالكم ونضمن لكم وقت سعيد لكم ولهم. قولي لنا إيه أكتر كتاب لفت نظرك؟
التعليق باستخدام حساب فيس بوك