محتويات المقال
الأسبوع إللي فات قررنا نروح العين السخنة ونقضّي يومين هناك واخترنا فندق جراند أوشن علشان ننزل فيه وحقيقي تجربتنا كانت حلوة وماندمناش علشان الأوتيل كان فيه مميزات كتير تعالوا نقولهالكم في المقال ده!
1-الفندق خمس نجوم
زي ما شوفتوا الأوتيل خمس نجوم، وواخد Rate عالي على موقع Booking.com 8.4 وكمان فيه أكتر من 1000 ريفيو عليه ودي كلها حاجات بتدل إنه اسم الاوتيل محترم والخدمة فيه ممتازة..
وفي نفس الوقت فندق جراند أوشن بيعمل كل الاحتياطات والاحترازات ضد فيروس كورونا، أول ما دخلنا الغرفة لقينا كل حاجة متعقمة وعليها ستيكر التعقيم.
جراند أوشن ريزورت عائلي جدًا ومناسب قوي للعائلات المصرية، هتحسوا فيه إنكم مرتاحين ومش هتلاقوا أي حاجة مش مناسبة لأولادكم.
2-فيه حمام سباحة Heated
وده كان أحلى حاجة شوفناها في اي أوتيل روحناه خاصة في السخنة، حمام السباحة الدافئ كان هايل خصوصا إنه اليومين دول فيه لسعة برد لكن على الرغم من كدة ده ما منعناش إننا ننزل المياه ونتبسط.
3-الشاطئ رائع وراقي ومريح للأعصاب
حقيقي الشاطئ في فندق جراند أوشن من نقط القوة الفظيعة في الأوتيل ده، إحنا حسينا فجأة إننا في أوروبا الشاطئ كله مزروع بالنجيلة الخضراء الطبيعية.. الشماسي والكراسي راقية جدًا.. الموسيقة كلاسيك وحلوة وهادية.. مفيش دوشة.. مفيش مهرجانات وإزعاج..
وعجبنا إنه فيه إحترام لكل الخلفيات والثقافات كل واحد نازل بلبس البحر المناسب ليه وكل الناس محترمة خصوصية بعض.. وأجمل حاجة شفناها هي مدخل خاص وممشى لحد البحر مخصص لكبار السن والأطفال ذوي الاحتياجات الخاصة لتسهيل الحياة على الأم إللي معاها كرسي متحرك أو عربية أطفال.
4- فيه حاجات مسلية للأطفال
الميزة في جراند أوشن إنه فيه حاجات كتبر مسلية للأطفال.. فمش هتغلبي بالعيال خالص.. من أول التيلفزيون إللي فيه قنوات مناسبة للأطفال لحد منطقة الألعاب الهايلة إللي فيها Indoor و Out door وإشراف لو إنتي مش موجودة ولحد الأكوابارك إللي مليانة لعب.. فالأولاد هيتبسطوا هيتبسطوا!
5-الأوبن بوفيه كان هايل
نقدر نقول وبكل ثقة.. إنه الأوبن بوفيه إللي روحناه كان من أقوى الأوبن بوفيه إللي أكلنا فيه في حياتنا.. البيتزا كانت حرفيا أجمد من بيتزا المحلات.. الأسماك والجمبري والسي فود كان متوفر بكل الأنواع غير كورنر المشاوي حتى الأطفال ليهم كورنر فيه باستا وناجتس وفرايز .. وحتى السوشي كان موجود!
6- مطعم بيت السلطان
تجربة بيت السلطان دي بجد كانت تجربة متكاملة… إنهيار من فرط اللذة! بيت السلطان عبارة عن مطعم على ربوة عالية كدة بيطل على حمام سباحة يعتبر من أكبر حمامات السباحة في مصر وهو متخصص في الأكل المصري…
تجربة لا تنسى.. قاعدين بناكل أكل مصري أصيل وحوالينا المية والخضرة من كل حتة… أكلنا حمام وورق عنب بالكوارع ومشاوي وحواوشي وملوخية… الميزة إنه ممكن أي حد ييجي ياكل في بيت السلطان ويمشي أو ياكل في المطعم ويعمل Day Use في الأوتيل.
ممكن تروحوا أوتيل جراند أوشن وتستخدموا كارت راحة بالي وهتحصلوا على خصم 10% على الإقامة (هاف بورد) (شاملة الإفطار والعشاء وطفلين مجانا) باستخدام الكارت وكود RB10
يمكنكم الحجز على الرابط التالي أو الاتصال على رقم 01110065700
التعليق باستخدام حساب فيس بوك