مع استمرار إغلاق الأماكن العامة والحظر بسبب فيروس كورونا، فيه وقت طويل بنقضيه مع أولادنا في البيت، وبعد كل الأنشطة اللي بنعملها معاهم بيفضل فيه شوية ملل لهم علاقة بحدود المكان لأنهم ما بيخرجوش وما بيشوفوش أماكن، واحنا كمان بيكون عندنا نفس الإحساس بالملل. عشان كده، وزارة السياحة والآثار المصرية عملوا لنا مبادرة لطيفة جدًا عشان نفضل في البيت وفي نفس الوقت نزور المواقع الأثرية المذهلة اللي يمكن ما رحناهاش قبل كده خالص، وولادنا ما يعرفوش عنها حاجة.
تقدري هنا تعرفي أنشطة لأولادك وقت الحظر تسليهم
مع هاشتاج #StayHome (خليك في البيت) و#StaySafe (خليك آمن) و#ExperienceEgyptFromHome (عيشوا مصر من البيت)، وزارة السياحة والآثار نشرت على موقعها الإلكتروني وعلى صفحتها الرسمية على فيسبوك خبر بتقول فيه إنها أطلقت “مبادرة لإتاحة زيارات افتراضية وجولات إرشادية لبعض المتاحف والمواقع الأثرية المصرية يوميًا. وتتضمن هذه الجولات شرح لعشرين قطعة أثرية مميزة داخل المتحف المصري بالتحرير من خلال المرشدين السياحيين المصريين الذين تطوعوا لعمل هذه الجولات.” زي ما كتبت وزارة السياحة والآثار على موقعها الرسمي على الإنترنت.
تقدري هنا تعرفي طرق تغيير ديكور البيت
ده معناه إن كل يوم، الساعة 8 مساءً (ميعاد بدء الحظر) هيكون فيه رابط على صفحة فيسبوك الخاصة بالوزارة فيه زيارة افتراضية وإرشادية لواحد من مواقعنا الأثرية أو متاحفنا. ودي فرصة ما تتعوضش إن قبل ما ولادك يدخلوا السرير، يتفرجوا على عظمة تاريخ المصريين القدماء وآثارهم الرائعة. ده نشاط هيخليهم يتخلصوا من الإحساس بالملل وفي نفس الوقت فرصة إنك تحكي لهم عن المصريين القدماء وحضارتهم بشكل بسيط وعملي عشان تربي أطفال عارفين قيمة التاريخ.
تابعي صفحة فيسبوك لوزارة السياحة والآثار هنا
صورة من زيارة مقبرة رمسيس
لحد دلوقتي الجولات الموجودة والمتاحة للمواقع التالية، اضغطي على اسم الموقع لبدء الزيارة:
Ben Ezra Synagogue in Old Cairo
The Tomb of Queen Meresankh III
التعليق باستخدام حساب فيس بوك