معظم الستات يهمها جدًا بشرتها وشعرها يكونوا دايمًا متغذيين، حتى لو هي مش فاضية قوي وبتشتغل وبتعمل مليون حاجة، هتلاقيها عايزة تعرف إيه أحسن فيتامين للشعر والبشرة. وهتلاقيها بتدور في كل صيدلية على فيتامين لتكثيف الشعر وفيتامين لنضارة البشرة. أو زيوت طبيعية لتغذية الشعر والبشرة، هل تعرفي إنك ممكن بزيارتك للعطار، تجيبي زيوت تعوّض زيارة الصيدلية؟ تعالي نشوف إيه أهم الزيوت الطبيعة المفيدة اللي ممكن تشتريها من عند العطار هتكون أحسن فيتامينات الشعر والبشرة.
اعرفي أهمية فيتامين سي لصحة شعرك وبشرتك
8 زيوت طبيعية لحل مشاكل الشعر والبشرة
- زيت جوز الهند
- زيت الأرجان
- زيت الجوجوبا
- زيت الزيتون
- زيت بذور العنب
- زيت اللافندر
- زيت عشبة الليمون
- زيت اللوز الحلو
زيت جوز الهند
زيت جوز الهند له فوائد كتير منها حماية الشعر من التلف بسبب الحرارة وتصليح الشعر التالف، والنهايات المتقصفة. وكمان ينصح به للناس اللي شعرها بيطول ببطء. أما فوايده للبشرة فهو بيحافظ على ترطيب البشرة وبيديها لمعة طبيعية وجذابة. وكمان بيستخدم على الشفايف لترطيبها. اعرفي باقي فوائد زيت جوز الهند من المقال ده.
زيت الأرجان
زيت الأرجان المغربي غني بالأحماض الدهنية ومضادات الأكسدة وفيتامين إي من أهم الزيوت الطبيعة لتغذية الشعر والبشرة. يفضل استخدامه للشعر المجهد من الحرارة والناشف بسببها. بيرطب وبينعم الشعر وبيمنع الهيشان. أما للبشرة، فبيعالج أنواع مختلفة من الحبوب وبيعزز بشرة أنعم وأهدا.
زيت الجوجوبا
زيت الجوجوبا بيعالج الشعر الناشف التالف والمصاب بالقشرة وجفاف فروة الراس. وبالنسبة للبشرة، بيهدي أي التهابات فيها وبيرطبها.
زيت الزيتون
عشان تعرفي فوائد زيت الزيتون للبشرة والشعر وللجسم عامةً، شوفي المقال ده.
زيت بذور العنب
زيت بذور العنب بيمنع تساقط الشعر وبيمنع الشعر من إنه يكون دهني (مزيّت) وبيمنع تكوّن قشرة الشعر وبيمنع سقوطه. أما في البشرة، فهو مضاد التهابات ومضاد بكتيريا وله خصائص مضادة للأكسدة. وبسبب كل الخواص دي، زيت بذور العنب بيعالج حب الشباب.
زيت اللافندر
زيت اللافندر له فوائد كتير هتخليكي ما تستغنيش عنه، منها إنه بيساعد على النوم وغيرها كتير. فوايده للشعر إنه بيعزز نمو الشعر وبيحميه من التساقط، وبينتج عنه شعر أتقل.
زيت عشبة الليمون
زيت عشبة الليمون بيقوي بصيلات الشعر وده بيمنع التساقط. كمان هو بينعم وبيرطب فروة الراس وده بيمنع القشرة.
زيت اللوز الحلو
زيت اللوز الحلو فوايده بتكون للبشرة والشعر مع بعض. عشان تعرفي أكتر، شوفي المقالة دي.
مصادر ساعدتنا في كتابة المقال
La tourangelle
Healthline
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك