محاولة تهدئة البشرة الجافة وإعادة ترطيبها في موسم الشتاء يعتبر معركة شاقة، انخفاض درجات الحرارة ممكن يكون له تأثير واضح جدًا بالسلب على بشرتنا. علشان كده، يعتبر الترطيب موضوع أساسي علشان تحافظي على نضارة الجلد، سواء ده كان للجسم أو للوجه. ولأن الزيوت الطبيعية بتلعب دور عظيم في ترطيب البشرة، جمعنا لك أنواع من الزيوت الطبيعية اللي تقدر تحافظ على ترطيب البشرة في الشتاء، وده بحسب ترشيح خبراء صحة البشرة.
أجمد 10 كريمات ترطيب البشرة في الشتاء بالأسعار
زيوت ترطيب البشرة في الشتاء
- زيت الزيتون
- زيت الأفوكادو
- زيت الأرجان
- زيت اللافندر
- زيت بذور الجزر
- زيت اليلانج العطري
- زيت الياسمين العطري
- زيت شجرة الشاي
زيت الزيتون
زيت الزيتون يعتبر مقشر مثالي للبشرة في فصل الشتاء. كل اللي عليكي تعمليه تخلطي زيت الزيتون مع البن المطحون أو السكر واستخدامه لتقشير بشرتك. في الأول، امسحي بشرتك بقماشة مبللة، لأن ده هيساعد على إزالة خلايا الجلد الميتة وترطيب بشرتك بشكل أفضل. وبعد كده، افركي بشرتك بلطف بالمقشر ده لمدة 10 دقائق وبعد كده، اغسلي بشرتك بالماء ولاحظي النعومة، المقشر ده على فكرة يعتبر مزيل طبيعي للمكياج.
فوائد زيت الزيتون للبشرة والشعر والجسم
زيت الأفوكادو
زيت الأفوكادو غني بفيتامين E. وله خصائص مضادة للأكسدة بتساعد على علاج الجلد المتقشر الناتج عن الأكزيما والتخلص منها. الأفوكادو بيساعدك على القضاء على حب الشباب. استخدمي زيت الأفوكادو كمرطب يومي بعد روتين الترطيب بتاعك علشان تحصلي على بشرة ناعمة.
فوائد الأفوكادو إللي هتخليكي تفكرّي تاكليه
زيت الأرجان
زيت الأرجان من الزيوت الخفيفة، وبيعمل بشكل أساسي كمرطب سريع المفعول للبشرة لأنه سهل الامتصاص، وبسبب قوامه الرقيق وغير اللزج بيمتصه الجلد بسهولة وبيمنح البشرة رطوبة طبيعية. استخدمي زيت الأرجان كدواء مضاد للشيخوخة ومرطب في الليل، وده لأنه مريح جدًا على الوجه والجسم بسبب قوامه الخفيف.
فوائد زيت الأرجان حل سحري لبشرتك وشعرك
زيت اللافندر
زيت اللافندر الأساسي يعتبر واحد من أكثر الزيوت شيوعًا في الاستخدام مع البشرة الجافة وده لسبب منطقي، لأن له فوائد عديدة جدًا لصحة الجلد وبيقدر يساعد في ترطيب البشرة، وبيقدر على معالجة البشرة المصابة بالحكة والإحمرار أو المتهيجة، ده غير إنه بيقلل من آثار الندبات على البشرة الجافة.
أهم 3 مشروبات للاسترخاء وتحسين الحالة المزاجية من امتنان
زيت بذور الجزر
بيحتوي زيت بذور الجذر على مضادات أكسدة اللي بدورها بتعمل على حماية الجلد، وبيغذي المسام، وبالتالي بيساعد على ترطيب البشرة، تقدري تستخدميه كزيت أساسي لأن قوامه خفيف، وتقدري تستخدميه كمان في تدليك الجسم، ولكن لا ينصح باستخدامه لو كنت مرضعة أو حامل.
فوائد بذور الكتان لصحتك وإزاي تدخليها في أكلك
زيت اليلانج العطري
يعتبر أشهر استخدام لزيت اليلانج العطري استخدامه في مقاومة علامات الشيخوخة، لأنه بيتميز بخصائصه المرطبة. ده غير إن له رائحة زهرية مميزة، بتمنح إحساس رائع بالانتعاش، ولكن انتبهي من أنه من الزيوت الثقيلة، علشان كده يفضل استخدام فقط بضع قطرات صغيرة منه، مع زيوت تانية خفيفة، تقدري تجربيه على الجلد الأول علشان تتأكدي إن الزيت العطري مش يسبب لكي أي نوع من الحساسية.
زيت الياسمين العطري
الياسمين ممتاز لتهدئة البشرة الجافة المتهيجة وده بسبب خصائصه المضادة للبكتيريا والفيروسات، ده بجانب عن أنه فعال في تعزيز نضارة البشرة وشبابها، ومقاومة علامات تقدم السن.
وكأي زيت عطري يفضل استخدامه مع زيوت تانية خفيفة، وتجربته على جزء صغير من الجلد قبل الاستخدام، علشان تتأكدي من عدم وجود أي احتمال لتهيج الجلد.
زيت شجرة الشاي
بيستخدم زيت شجرة الشاي العطري بشكل كبير في منتجات العناية بالبشرة، وده بسبب خصائصه المنظفة والمطهرة، الرائع فيه إنه مناسب لجميع أنواع البشرة، وده لفعاليته المذهلة في الترطيب، والتحكم في إفراز الزيوت سواء كان للبشرة الجافة أو الدهنية.
فوائد زيت شجرة الشاي الرهيبة وتجيبيه منين
وعلشان تحصلي على أقصى استفادة من زيت شجرة الشاي في الشتاء، ضيفي بضع قطرات منه على غسول الجسم، وتقدري كمان تضفيه على الشامبو، لترطيب الجلد، مع الحصول على إحساس رائع بالانتعاش.
تقدري تقولي إن المجموعة دي هي أكتر أنواع الزيوت شيوعا في الاستخدام خلال فصل الشتاء علشان تقدري تحصلي على الترطيب اللي بتحتاجي ليها وأكيد أكيد هتلاقي منها بسهولة.
التعليق باستخدام حساب فيس بوك