محتويات المقال
كتير من الستات بيكون من أهم أهدافهم هو الجسم الجميل، ولحسن الحظ إن طب التجميل دلوقتي اتقدم جدًا وما بقاش خطير ونادر زي زمان، وبقت عمليات تعديل شكل الجسم والشد والرفع عمليات مكررة ونتائجها جيدة.
معاكم دكتور حسين السيد جراح تجميل وعضو الجمعية المصرية لجراحين التجميل والإصلاح، وهكلمكم عن كل الأمور المتعلقة بعملية شد ورفع الثدي للسيدات:
أعرف إزاي إن الثدي في المكان المناسب ولا محتاج لعملية رفع وشد؟
تعرفي من وجود الحلمة على بعد 19-21 سنتيمتر من منتصف عظمة الترقوة.
إيه الحالات اللي بتحتاج لعملية شد ورفع الثدي؟
- بعد الرضاعة الطبيعية سواء مرة أو أكتر.
- بعد خسارة كبيرة للوزن.
- أسباب وراثية بتخلي الثدي حجمه كبير جدًا.
إيه التكنيك اللي بيستخدم في عملية رفع وشد الثدي؟
المحدد الأساسي هو درجة ترهل الثدي عند كل حالة، وفيه 3 طرق لعمل عملية شد ورفع الثدي
بسيطة جدًا: عن طريق جرح دائري حول الهالة البنية ويكون مخفي تمامًا.
بسيطة إلى متوسطة: ويسمى (لولي بوب) ويكون دائري حول الحلمة وممتد بالطول إلى أسفل الثدي.
شديدة: ويسمى بـ (حرف T المقلوبة) ويكون جرح دائري حول الهالة وبالطول إلى أسفل الثدي وجرح مخفي في ثنية الثدي من الأسفل.
إيه الاستعدادت اللي المفروض أعملها قبل العملية؟
- توقفي الرضاعة الطبيعية لمدة كبيرة لحد ما اللبن اللي في الثديين يجف.
- عمل التحاليل اللازمة للتأكد من الحالة الصحية العامة.
- تناول الفيتامينات الموصوفة من الطبيب.
إيه هي الآثار السلبية للعملية؟
الجروح: ويتم الاهتمام بها والتغيير عليها حتى يختفي أثرها تمامًا.
التورمات: وتختفي من 3 إلى 4 أسبايع من تاريخ إجراء العملية.
إمتى بتظهر نتايج العملية؟
فورًا بيبان على شكل الثدي، لكن النتيجة النهائية بتاخد شهر ونص لشهرين علشان يكون التورم اللي بعد العملية اختفى.
ومن أهم مميزات عملية شد ورفع الثدي أن الجرح يكاد يختفي تمامًا بعد 3 إلى 6 شهور من تاريخ العملية.
إيه الأسباب اللي ممكن الطبيب يرفض على أساسها عمل العملية؟
- أثناء الرضاعة الطبيعية.
- إذا كانت هناك موانع طبية في الحالة الصحية العامة، كالأنيميا الحادة مثلًا.
وتقدري تتعرفي على إجابات ومعلومات أكتر على صفحة الدكتور حسين السيد على الفيسبوك
التعليق باستخدام حساب فيس بوك