بيكون موتّر شوية للست لو اكتشفت إن الأصوات اللي بتطلع وقت العلاقة الحميمة كلها أصواتها هي، سواءً تأوهات أو كلمات حب أو غزل لجوزها، في وقت ما بيكون جوزك أثناء العلاقة الحميمة ساكت طول الوقت. أوقات الست بتفكر حتى إن ممكن يكون ده معناه إنه مش مبسوط معاها، لإنه لو مبسوط أو مندمج، كان أكيد طلع أي صوت أو قال أي كلمة. حاولنا نرصد في المقال ده أسباب سكوت بعض الرجالة أثناء العلاقة الحميمة.
هو عمومًا ساكت
لو جوزك في العادة شخص هادي وما بيتكلمش، ما تقلقيش من كون جوزك أثناء العلاقة الحميمة هادي لإن ده هيكون مجرد استكمال لسكوته العادي ومش معناه أي حاجة تمسك أو تمس علاقتكم.
ما بيحبش يعبر عن مشاعره
مش شرط يكون هادي بس عشان ما يتكلمش ولا يطلّع صوت في وقت العلاقة الحميمة. ممكن جدًا يكون ما بيحبش يعبر عن مشاعره. ده هتلاقيه بره الوقت ده متمثل في إنه قليل لما يقول لك بحبك، قليل لما يقول لك إنك واحشاه، قليل في الكلام الرومانسي أو العاطفي عمومًا.
5 منتجات جنسية مفيدة للعلاقة الحميمة
محرج
“هي مش دي حاجة بتاعة الستات؟!” ده بيكون تفكير كتير من الرجالة، إن التأوه أو الكلام الرومانسي في وقت زي ده بتاع الستات، فهو هيعمل كده ازاي يعني؟! وده غالبًا بيكون ناتج عن إنه اتفرج كتير على أفلام إباحية وهي اللي شكلت مفهومه عن الجنس وهو إنه طول العلاقة الحميمة بيعمل كل حاجة بجسمه والست هي اللي بتستقبل ده وبتصدر أصوات.
ما بيحبش الأصوات دي أصلًا
لو لاحظتي إن جوزك لما انتي نفسك بيصدر منك تأوه في وقت العلاقة الحميمة، بيبرق لك أو بيقول لك “ششش” أو بيحاول يحط إيده على بقك عشان الصوت ما يطلعش، فده معناه إنه مش بس بيحب يكون ساكت لكن هو أصلًا ما بيحبش الأصوات دي سواءً كان السبب إنكم مش لوحدكم في البيت أو لإنه حاسس إن ده عيب أو غيره.
مركز
بعض الرجالة بيكون عندهم مشاكل في الأداء الجنسي زي ضعف الانتصاب أو سرعة القذف، فبيحاول يكون مركز في حاجة تانية أو سرحان أو بيتخيل حاجات عشان يفضل محافظ على الانتصاب أطول فترة ممكنة. وده هتلاحظيه على وشه لما تلاقيه مغمض عينه قوي أو باصص للسقف طول الوقت أو أو.
علاج مشكلة سرعة القذف عند الرجال
في النهاية، بافكرك بنصيحتي الأبدية لكل زوجة: الكلام هو الحل. لو عندك مشكلة مع أي حاجة بيعملها (أو في الحالة دي ما بيعملهاش) جوزك، لازم تتكلمي معاه بلطف وبهدوء ومن غير ما تحسسيه إنك بتهاجميه أو بتهددي رجولته.
التعليق باستخدام حساب فيس بوك