البنت أول ما بتكبر وبتبدأ تنزل مع مامتها يشتروا اللبس، بتبدأ تختار شنط مع لبسها وتصر إنها تليّق شنطة مع لبسها. وكل ما بتكبر أكتر وتكون شابة أو ست، كل ما احتياجاتها للشنطة بتختلف وتتطور وتاخد أشكال كتير. النهارده، هنقول لك 10 ستايلات شنط أساسية لازم تكون في دولابك وكل واحدة فيهم استخدامها إيه.
شنطة الشغل لكل يوم
ستايلات شنط أساسية – شنطة كبيرة للشغل اليومي
شنطة كل يوم هي الشنطة اللي هتاخديها في إيدك كل يوم الصبح وانتي نازلة الشغل من غير ما تكوني مضطرة تغيري فيها حاجة. سودا فتليق على كل لبسك، وواسعة فبتكفي النتيجة والمحفظة والموبايل والشاحن والمفاتيح. كل حاجة هتكوني محتاجاها للشغل. ومش مضطرة كل يوم تحطي حاجة أو تشيلي حاجة، ولا تبصي كل 5 دقايق فتتفاجئي إنك نسيتي حاجة في الشنطة التانية.
شنطة لون نيود
ستايلات شنط أساسية
لون محايد وشكل شيك، ليه؟ عشان برضه تليق على كل حاجة، ودي بنستخدمها نفس استخدام الشنطة السودا بتاعة كل يوم، لكن لما يكون عندك اجتماع مهم أو مثلًا رايحة مكان غير الشغل في أجازة يوم كده تحبي تكسري فيها الروتين.
اعرفي تجهيز شنطة الولادة من هنا.
شنطة للخروجات الليلية
ستايلات شنط أساسية – شنطة سواريه
الشنطة دي هتكون صديقتك يوم ما جوزك يعزمك على العشا في مكان بره البيت أو تكوني خارجة مع أصحابك بعد الشغل لعيد ميلاد أو خروجة عادية. بتكفي حاجات قليلة: محفظة صغيرة وموبايل ومفاتيحك.
شنطة لخروجات الويك إند
ستايلات شنط أساسية – شنطة لخروجات الويك إند
شنطة خروجات الويك إند. شيك وخفيفة وعملية وفي نفس الوقت فيها لعب كده. فلايقة على الويك إند.
شنطة سواريه – كلاتش السهرات
ستايلات شنط أساسية – شنطة سواريه
عندك فرح أو حفلة، يبقى لازم شنطة سواريه أو “كلاتش” clutch عشان المناسبات من النوع ده.
شنطة اللون المطرقع
ستايلات شنط أساسية
الشنطة باللون المطرقع بتبقى للويك إند أو الأيام اللي انتي زهقانة فيها من الشيلة أو ليوم أجازة في نص الأسبوع خارجة فيه، مجرد لونها هيروق مزاجك.
شنطة سفرية اللونج ويك إند
ستايلات شنط أساسية
لو عندك لونج ويك إند (خميس جمعة سبت أو جمعة سبت حد) وقررتي تطلعي سفرية قصيرة، تاخدي الشنطة دي، لإنها كبيرة كفاية عشان تاخد هدوم التلات أيام.
شنطة سفر
ستايلات شنط أساسية
دي بقى عشان السفريات الأطول، نقيها شيك وملونة عشان تتبسطي بيها وانتي مسافرة وما تحسيش إنها شبه كل الشنط السودا والكحلي المنتشرة.
استعدادات المصيف: تجهيز شنطة المصيف لولادك
شنطة البلاج أو البحر
ستايلات شنط أساسية – شنطة البلاج أو البحر
شنطة خيش لطيفة مخصوص عشان خروجة البلاج. فيها الفوطة والكاش مايوه والمحفظة.
شنطة الضهر Back Back
ستايلات شنط أساسية – شنطة الضهر Back Back
شنطة المهام الصعبة اللي بتشيلنا في كل الأيام والأزمات. وبتنفع على تقريبًا كل اللبس والستايلات المختلفة.
التعليق باستخدام حساب فيس بوك