محتويات المقال
علاقة سرطان الثدي والرضاعة الطبيعية محتاجة فهم. كل سيدة مرت بتجربة الإصابة بسرطان الثدي، فهي بطلة ومحاربة، وخصوصًا لما تكون لسه في عمر الأمومة أو بتخطط لإنجاب أطفال وبالتالي التفكير في الرضاعة الطبيعية، واللي هي أصلًا مش سهلة في الحالات الطبيعية، فأكيد التحدي فيها هيكون أكبر بكتير لما تكون الأم متعافية من سرطان الثدي، وفي المقال ده هنقولك كل التفاصيل اللي تخص الرضاعة الطبيعية بعد التعافي من سرطان الثدي.
-
هل يمكنني الرضاعة الطبيعية بعد التعافي من سرطان الثدي؟
الحقيقة إن الإجابة على السؤال ده بترجع لحالة كل سيدة، وطريقة علاجها من سرطان الثدي، والحالة اللي وصلت لها، فمفيش إجابة عامة لكل الحالات، لكن المؤكد في كل الحالات سواء قدرتي ترضعي طبيعي بكمية مناسبة أو قليلة، أو ماقدرتيش واكتفيتي بالتلامس الجسدي بينك وبين طفلك، فإنتي أم بطلة وناجحة في كل الأحوال.
كل اللي محتاجة تعرفيه عن سرطان الثدي
-
الرضاعة الطبيعية بعد التعافي من سرطان الثدي على حسب نوع العلاج:
-
العلاج بالهرمونات:
الهرمونات المستخدمة في علاج سرطان الثدي، ضارة على البيبي لو لسا الأم مستمرة عليها، علشان كده مهم جدًا تستشيري الطبيب، واللي ممكن يلاقيلك حل إنك توقفي العلاج لمدة أيام، بحيث ترضعي طفلك لبن السرسوب، وبعد كده توقفي رضاعة وترجعي لعلاجك تاني.
-
العلاج باستئصال الثدي:
لو استئصلتي الثدي، لكن عملتي بعده جراحة تكميلية، في بعض الحالات ممكن الجراحة دي تمكنك من وضع اللبن الصناعي مكان الثدي، لو انتي نفسك في عدم حرمان طفلك من وضع الرضاعة الطبيعية، لكن ده مش هيكون بسهولة، ومش كل الجراحات التكميلية هتمكنك من ده.
-
العلاج باستئصال الورم والإشعاع:
من المحتمل جدًا إن مع استئصال الورم، يكون حصل استئصال لبعض القنوات اللبنية، وخصوصًا لو الورم كان جنب الحلمة، ده غير إن الإشعاع بيقلل كمية الحليب اللي الثدي بينتجه، ففي الحالة دي تقدري ترضعي طفلك من الثدي التاني، وتكملي له بالرضاعة الصناعية.
وبنفكرك إنك لازم ترجعي لطبيبك المعالج في كل الحالات، وإنك لو لا قدر الله مقدرتيش ترضعي طفلك طبيعي، فدي مش نهاية الدنيا، وتقدري تعوضي طفلك بحنانك في حاجات تانية كتير.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك