محتويات المقال
وسيلة العزل أو العزل في الجماع هي إحدى الطرق الطبيعية لمنع الحمل وهي عبارة عن سحب العضو الذكري من المهبل قبل القذف لمنع وصول الحيوانات المنوية للرحم. للأسف الطريقة دي مش فعالة قوي وفيه احتمالية حدوث حمل فيها، مش زي وسائل منع الحمل التانية زي الواقي الذكري أو اللولب. هنكلمك النهارده عن أضرار طريقة العزل في الجماع ومميزاتها ونصائح لاستخدامها.
أضرار طريقة العزل في الجماع
- مش فعالة بنسبة كبيرة
نسبة حدوث حمل مع اتباع طريقة العزل بتعدي الـ20% وده معناه إن فعاليتها قليلة جدًا بالمقارنة بوسائل منع الحمل التانية.
- ما بتحميش من العدوى المنقولة جنسيًا
الكوندوم هو أكتر وسيلة منع حمل بتحمي من الالتهابات والعدوى والأمراض المنقولة جنسيًا.
- مش سهل التحكم فيها من الرجل
مش دايمًا الراجل بيقدر يسحب العضو الذكري في الوقت المناسب، فممكن قذف بعض السائل المنوي أو كله يكون في المهبل. في الحالة دي، يستحسن تاخدي وسيلة منع الحمل للطوارئ.
- الحمل مش بس من السائل المنوي
فيه حاجة عند الرجالة اسمها pre-cum وده بيكون سائل بينزل من العضو عشان يسهّل الجماع لكن السائل ده بيكون فيه حيوانات منوية برضه، وفي الحالة دي، ممكن جدًا يحصل حمل.
مميزات طريقة العزل
- المتعة أكتر
مفيش كوندوم، وبالتالي الإحساس بيكون كامل، والمتعة أكبر.
- مفيش هرمونات
عشان الوسيلة دي مافيهاش هرمونات ولا مواد كيميائية زي الحبوب أو اللولب الهرموني، فمفيش أي لخبطة هرمونية هتحصل، أو لو انتي عندك لخبطة في الهرمونات، مش هتزودها.
نصائح لتطبيق وسيلة العزل
- يفضل تكون في أيام بعيدة عن أيام التبويض. احسبي موعد التبويض بتاعك من هنا.
- استخدموا جل/مزلق فيه مانع حيوانات منوية spermicide، ده بيستخدم على العضو الذكري لقتل الحيوانات المنوية الخارجة منه وبالتالي عدم دخولها للمهبل.
- لو الزوج حس بإن الكوندوم اتقطع أو اتزحلق، لازم يستخدم وسيلة العزل (يسحب العضو قبل القذف).
- خلي الزوج يفضّي المثانة قبل الجماع، بالطريقة دي لو فيه أي pre-cum هينزل مع البول.
- بعد القذف خارج المهبل، ما تتحركيش. خلّي الزوج يمسح أي سائل براه وحافظي إن ما يجيش أي من السائل ده عند فتحة المهبل. بعدها مباشرة، اتحركي للحمام واتشطفي بميا غزيرة.
نتمنى لك حياة زوجية ممتعة.
مصدر ساعدنا على كتابة المقال
WebMD
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك