شاي الماتشا : التريند الجديد في عالم الشاي

شاي الماتشا دلوقتي بقى ترند، ومتاجر كتير ومحلات عطارة وفرته، وبيتباع بسعر يعتبر غالي في عالم الشاي، ومع كده ناس كتير مقبلة عليه بسبب فوايده المتعددة، وفي المقال ده هنقولك إيه هو شاي الماتشا، وفوايده وأضراره وطريقة عمله:

• إيه هو شاي الماتشا؟

بودرة نوع من أنواع الشاي الأخضر، وأصله من اليابان، وفرقه عن الشاي الأخضر إنه بيتزرع في الضل علشان  زيادة مادة الكلوروفيل (Chlorophyll) في أوراقها ومواد تانية مختلفة زي: الحمض الأميني ليثانين (L-theanine).

• فوائد شاي الماتشا

1. زيادة التركيز.
2. تخفيض خطر الإصابة بالسرطان.
3. المساهمة في الحماية من أمراض القلب.
4. المساعدة في تقليل وخسارة الوزن.
5. خفض خطر الإصابة بمرض السكر من النوع الثاني.
6. حماية الكبد.
7. تعزيز صحة الفم والأسنان.

• زيادة التركيز

وجود الحمض الأميني ليثانين في شاي الماتشا بيساعد في زيادة الاسترخاء والراحة، وفي حالة دمجه مع الكافيين الموجود برضه في شاي الماتشا، فده بيساعد على زيادة الانتباه والتركيز.

• تخفيض خطر الإصابة بالسرطان

يحتوي شاي الماتشا على مضادات أكسدة (Epigallocatechin-3-Gallate)، واللي بتساعد على خفض خطر الإصابة بالسرطان والأورام المختلفة، لإن المضادات دي  بتعمل على منع نمو الخلايا السرطانية في الجسم.

• المساهمة في الحماية من أمراض القلب

ارتبط تناول الشاي الأخضر بشكل عام في حماية القلب وخفض خطر إصابته بالأمراض المختلفة، ونفس الموضوع مع شاي الماتشا، لإنهم فيهم مركبات بتقلل الكوليسترول الضار وتقليل الدهون الثلاثية، وده معناه حماية أكبر من أمراض القلب.

• المساعدة في تقليل الوزن

ولإن شاي الماتشا بيساعد في تسريع عملية التمثيل الغذائي، وده بيستهلك طاقة وبيحرق سعرات وبالتلي بيساعد في تقليل الوزن، لكن طبعًا لازم يكون شرب شاي الماتشا جنب نظام غذائي صحي وممارسة رياضة.

لو حامل يبقى الموضوع ده هيفيدك جداَ .. فوائد الكاجو للحامل

• أضرار شاي الماتشا

ولإن الأعشاب زي الأدوية بالزبط، فلازم ناخدها بكميات معقولة وبعد استشارة طبيب، وبدون إفراط، ولحد دلوقتي المعروف عن أضرار شاي الماتشا هو زيادة نسبة الكافيين، لكن مفيش أبحاث علمية مثبتة لحد دلوقتي إن في أضرار تانية لشاي الماتشا.

• إزاي أعمل شاي الماتشا؟

1. لو هتشتريه مغلف جاهز، يبقى تمشي على الخطوات المكتوبة على غلافة العبوة.
2. لو هتشتريه سايب أو بالجرام ومش مكتوب طريقة تحضيره:

انخلي 4 جرام في كوباية، وضيفي 60 جرام مياه سخنة عليهم، وقلبي كويس واشربيه بالهنا والشفا.

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

المصدر:
webteb.com