مبروك الخطوبة! ودلوقتي جه وقت شراء شبكة العروسة، واللي مهما مرّ عليها الزمن، بتفضل حاجة كبيرة في حياتك، حتى لو كانت بسيطة جدًا، وبتفضل الواحدة مننا طول العمر تقول دي شبكتي، وغالبًا مش بتتباع أو بتتغير إلا في الظروف الطارئة جدًا، وبتكون من أهم قطع المجوهرات المميزة عندك، واللي بتلبسيها في مناسبات كتير قوي. علشان كده وانتي بتشتريها لازم تهدي وانتي بتختاري علشان دي هتعيش معاكي العمر كله، وفي المقال ده هاقول لك على أهم 7 نصائح عند شراء شبكتك وأفضل الأماكن.
نصائح عند شراء شبكة العروسة
- حددي انتي عاوزة إيه قبل ما تنزلي تختاري، لازم تعرفي انتي بتتحركي في رينج كام في السعر، ونوع الشبكة اللي عاوزاها، سوليتير ولا دهب أبيض ولا دهب أصفر، وطقم ولا خاتم ولا حاجات متفرقة. بس برضه ما تحكميش نفسك في فكرة معينة ما تتنازليش عنها، لإن كتير بنكون نفسنا في حاجات واحنا بنات، بس لما بنيجي نختار الشبكة بنلاقيها شكلها مش حلو علينا، أو مش زي ما كنا متخيلين، فأهّلي نفسك لتغيير أفكارك بسهولة.
- حاولي تختاري شبكة عملية قدر الإمكان، مهما كانت شيك، بس ابعدي عن الحاجات اللي فيها بروز شديدة لدرجة إنها تخدش بشرتك أو هدومك، ولو انتي محجبة راعي ده في إن الكوليهات القصيرة مش هتبان، فممكن تميلي أكتر ناحية الخواتم والأساور.
- ما تجيبيش حاجة انتي مش مقتنعة بيها، بس عشان ترضي مامتك أو حماتك، لإن الشعور ده هيفضل معاكي كل ما تلبسي شبكتك بعد كده.
- لازم تشتري من محلات موثوقة، لا بتغش في الميزان، ولا بتزود عليكي في المصنعية، ولا شغلهم أي كلام، بحيث إنك تلاقي كل شوية مع استعمال الشبكة، حتة مكسورة أو فصوص بتقع، أو قفل ما بيقفلش.
- اختاري المناسب لجسمك ووشك، فلو رسمة وشك طويل، ابعدي عن الحلقان الطويلة أوي، ولو صوابعك مليانة هاتي خواتم رسمتها مسحوبة، وهكذا.
- لو المبلغ المتاح ليكي لشراء الشبكة مش كبير، ما تزعليش.. السوق دلوقتي مليان موديلات حلوة جدًا، وتبان أفخم من سعرها بكتير، بس قسمي المبلغ على الحاجات اللي بتحبيها، ما تدفعيش أغلبه في حاجة انتي عارفة إن استعمالك ليها هيبقى نادر.
- فكرة إن هاتي الشبكة واسعة (الدبلة والمحبس والخواتم) علشان هتتخني بعد كده عشان الحمل والولادة، مش دايمًا فكرة صحيحة، لإن في ناس بتجيبها واسعة قوي، فالعروسة ما بتعرفش تلبسها خالص، وخصوصًا إن التخن في الصوابع بعد كده مش بيكون رهيب للدرجة دي. فممكن تجيبيها أوسع حاجة بسيطة جدًا لو انتي عارفة إن صوابعك ممكن تتخن بسرعة.
ممكن هنا تشوفي قائمة جهاز العروسة .. من الإبرة للصاروخ
- داماس
- لازوردي
- Prima Gold
- الجلا
- السرجاني
-
داماس
-
لازوردي
-
Prima Gold
-
الجلا
-
السرجاني
هنا كمان شوفي أجمد 10 أماكن بيع وإيجار فساتين الزفاف
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك