كل شوية بنشوف إعلانات شقق للإيجار على فيسبوك.. الإعلانات مالية الدنيا.. والشقق المفروشة كتير.. لكن إحنا متعودين إنه إللي بيأجر مفروش بيبقى عملي قوي وبيجيب حتتين عفش يقضوا الغرض وخلاص..
لكن المرة دي شفنا إعلان صعب قوي نتجاهله.. إعلان شقة ماشاء الله تستاهل صورها تتحط في مجلات ديكور من كتر ما هي معمولة بمزاج..
الفكرة في المزج الرهيب بين قطع موبيليا كل واحدة منهم تنتمي لستايل وحضارة مختلفة.. شفنا حاجات بدوي.. حاجات يوناني / روماني.. فن قبطي فن إسلامي.. الشقة دي فعلا من كل بستان الديكور زهرة..
علشان كدة حبينا نعرض لكم الصور علشان نتفرج سوا إزاي ممكن ندمج ستايلات مختلفة في الديكور..
الشقة في وسط البلد وهي معروضة للإيجار وعبارة عن أوضتين نوم ورسبشن كبير ومطبخ وحمام ودريسنج رووم بمكان للضيوف و3 بلكونات في مبنى عريق في وسط البلد..
اتفرجوا عالصور وقولوا لنا يا ترى يعجبكم الستايل ده؟
ديكور
التعليق باستخدام حساب فيس بوك