صور أرفف حائط مودرن لديكور 2022

محتويات المقال

فيه خطوات معينة في ديكور البيت بتفرق في الشكل 180 درجة. إيه اللي بيفرق شقق عن شقق؟ أماكن ندخلها نحس براحة وإن فيه شيء جميل مش مفهوم، وأماكن تانية نحس إن المكان فقير وما فيهوش إشباع بصري كفاية، ما فيهوش أرفف حائط مودرن ضمن الديكور! الحقيقة إن رفوف الحائط وديكورات رفوف الحائط واحدة من أهم قطع الديكور وأشكال الجمال جوه البيت. لو لسه بتجهّزي بيتك، فدي مجموعة من الأفكار ممكن تساعدك.

ممكن نحط إيه على الرفوف؟

كتب
زرع
أنتيكات
صورنا
فواحة
منبه أو ساعة
راديو
لعب
سماعة

خامات الأرفف

الأرفف المستخدمة في الديكور داخل البيت ممكن تكون مستخدمة من مواد كتير جدًا. بنختارها حسب طبيعة وذوق العفش، يعني ستانلس ولا دهبي؟ خسب ولا بلاستيك ولا إزاز، ولّا جبس جوه الحيطة؟ في النهاية لكل مقال مقام ولكل شقة خصوصيتها وبالتالي شكل الديكور اللي هيكون مناسب للعفش اللي جواها.

هتلاقي خشب مدموج مع معدن، وهتلاقي إزاز ومعدن، وهتلاقي خشب بس أبيض لاكيه، أو خشب أوستر بدرجات البني اللي نعرفها. بننصحك إن خطوة الرفوف تكون في النهاية بعد العفش واختيار ألوان الدهانات عشان تبقى مظبوطة ولايقة، وما يغركيش العروض والأشكال المغرية اللي ممكن ما تتوافقش مع جهازك.