صور: تسريحات شعر لصاحبات الجبهة العريضة

القورة العالية أو الجبهة العريضة، الكبيرة، حاجة بتعتبرها بنات كتير إنها ديفو، وبنات تانية بيكرهوا شكلهم بسببها، في حين إنها سبب وجيه عشان تستخدمي تسريحات شعر للجبهة العريضة مميزة جدا تخليكي أجمل وأجمل، والقاعدة الأساسية في التعامل مع الجبهة العريضة أو العالية إننا ماينفعش نعلي عليها، الأفضل دايما انها تتغطى بطريقة انسيابية، نسرح الشعر وفي نفس الوقت ننزل الشعر بطريقة تناسب مش تداري، والأهم إنه أحيانا اتجاه الشعر بالكامل ممكن يكون سر الصنعة، يعني لما تجيبي شعرك كله يمين أو شمال ده هايصرف النظر عن الجبهة وهايدي احساس انها اصغر.اقري كمان: أفكار تسريحات شعر للعيد.. حتى لو مش خارجة

هل الجبهة العريضة ديفو؟

من فترة اتعمل تحدي على يتك توك اسمه تحدي الجبهة العريضة والحقيقة إنه كان تحدي صادم شوية لانه كشف انه بنات كتير جدا عندهم جبهة عريضة إما لان ده خلقة ربنا أو لانهم اتعرضوا لشد شعرهم بقوة في الطفولة وده اللي خلى شعرهم ينحل من قدام لدرجة إنه الشعر يبدا من متأخر جدا. بالصور أجمل تسريحات شعر للمناسابات والأفراح.

عموما سواء كانت حاجة طبيعية أو بفعل التعامل الغلط مع الشهر في الطفولة، فانتي لازم تكوني ممتنة وسعيدة وراضية عن كل تفصيلة في شكلك لأن ده انتي، والجمال انتي سره مش تسريحة أو أي حاجة تاني.

المفاجأة إنه في علم الفراسة بيقولك إن أصحاب الجبهة العريضة عندهم ذكاء شديد ونسبة عالية من الثقة بالنفس، ومشكلتهم الأساسية إنهم من شدة الدقة بيحللوا الأمور بطريقة زيادة وبيركزاو في التفاصيل أكتر من أي حد تاني.