صور فساتين زفاف بكم طويل لعروس شتاء 2022

كل عروسة بتبقى نفسها تكون أحلى واحدة في يوم فرحها، يوم فرحها بيكون يوم العمر اللي بتستناه ومن هي طفلة صغيرة وبتحلم بيه ونفسها يبقى يوم ميتنسيش طول العمر.. تفاصيل اليوم ده بتحتاج وقت ومجهود كبير في البحث وخصوصًا أهم حاجة في اليوم ده وهو فستان الفرح. لو إنتي عروسة وفرحك قرب، راحة بالي هتديكي أفكار لموديلات فساتين زفاف بكم طويل مناسبة لموضة شتاء 2022 منها فساتين بكم شيفون أو فساتين كم ستان أو فساتين بكم دانتيل.

نصائح قبل اختيار فستان الزفاف

الشكل المناسب لجسمك: ابحثي عن الشكل المناسب لشكل جسمك، على سبيل المثال لو جسمك ممتلىء ابعدي عن الفساتين الضخمة اللي ممكن تظهر الجسم في صورة أكبر.
قياس الفستان المناسب: اختاري المقاس المناسب لجسمك من حيث الحجم والطول، لو الفستان أطول من اللازم ممكن متقدريش تقصريه على حسب طولك ولو الفستان حجمه صغير اختاري مقاسك عشان ممكن متقدريش تخسري الوزن قبل الفرح.
توقيت الفرح: حددي ميعاد الفرح قبل اختيار الفستان، لو فرحك في فصل الصيف ممكن يكون فستان بخامة تقيلة غير مناسب لحرارة الجو. لو فرحك في الشتا، مككن تختاري فستان فرح لكم طويل عشان برودة الجو.
الأكسسوارات المستخدمة مع فستان الفرح: لازم تحطي في عين الاعتبار الاكسسوارات المستخدمة في الفستان، لو نفسك تلبسي عقد وشكله يبقى باين، لازم الفستان يكون مفتوح شوية من منطقة الصدر. نفس الكلام ينطبق الطرحة، اسألي نفسك قبل ما تشتري الفستان هل هو هيكون مناسب للحجاب أو هل هيكون مناسب إنك تلبسي عليه طرحة طويلة أو قصيرة.
ميزانية الفرح: حددي الميزانية المناسبة ليكي لما تنزلي تشتري الفستان عشان تقدري تبحثي في حدود ميزانيتك، ممكن تبدأي تدوري على العروش وتلفي على المحلات المختلفة وتاخدي فكرة عن الأسعار قبل ما تاخدي قرار الشراء، لو مش معاكي ميزانية للشراء ممكن تدوري على اختيارات تانية زي التفصيل أو الايجار.
ستايل الفرح: بعد ما تحددي مع عريسك ستايل الفرح بمعنى هل هتكتفوا فقط بكتب كتاب وسهرة بسيطة ولا فرح كبير بميزانية عالية، ممكن تختاري فستان على حسب ظروف القاعة والاحتفال.

هنا ممكن تشوفي أجمل موديلات فساتين سواريه محجبات

ودي صور لأفكار فساتين زفاف بكم طويل لعروس شتاء 2022 وبنتمنى تعجبك: