محتويات المقال
زي ما اتكلمنا عن الصيام أثناء الحمل، هنتكلم دلوقتي عن الأمهات المرضعات في رمضان وازاي تحافظ على صحتها وتغذيتها وتغذية رضيعها. وطبعًا، بنفكرك تراجعي الطبيب المعالج وطبيب الأطفال اللي متابع حالة طفلك عشان هو أدرى بالاختيار الأحسن لطفلك ولكي. في حالة الطبيب المعالج وافق على صيامك وصحتك ساعدتك إنك تصومي، اعرفي المعلومات اللي تهمك عن الصيام في المقال ده عشان تحافظي على صحتك وصحة طفلك.
شرب المياه
- غالبًا هتحسي بالعطش أكتر ما هتحسي بالجوع، لظروف الجو وكمان لظروف الرضاعة اللي بتسبب قلة السوائل في الجسم.
- اشربي على الأقل 8 أكواب من المياه في الفترة بين المغرب والفجر.
- خلي إزازة مياه جنبك طول ما انتي قاعدة عشان تشربي أكبر كمية ممكنة من المياه.
السحور
احرصي إنك ما تفوتيش السحور أبدًا وإنك تاخدي سعرات حرارية كافية في السحور. وممكن تشربي عصير فاكهة مغذي في السحور عشان يزود السعرات الحرارية المغذية وكمان السوائل.
الإفطار
- تجنبي المقليات. المقليات هتملى السعرات الحرارية فهتحرمك من إنك تاكلي كميات أكبر من حاجات أفيد، غير إنها بتصيبك بإحساس عدم راحة في المريء.
- كلي بروتين وخضار كتير وخلي حصة الكربوهيدرات من الحبوب الكاملة.
سناك
بين الإفطار والسحور، زودي وجبة خفيفة/سناك.
مكملات غذائية
كل الستات لما بتوصل لسن الحمل والرضاعة، بتنصح بتناول المكملات الغذائية المعروفة بمكملات ما قبل الولادة. الست المرضعة بتكون أهمية المكملات الغذائية بالنسبة لها أكتر كمان خصوصًا خلال شهر رمضان. الفيتامينات دي هتساعدك على كل توفير كل العناصر الغذائية اللي فاتتك من الفطار والسحور والسناك.
نصائح عامة
- مهم جدًا إنك تحافظي على جدول الرضاعة الطبيعية المنتظم عشان ما يحصلش أي نقص في كمية اللبن.
- لو هتنزلي أو هتسيبي الرضيع لأي سبب، حاولي تضخي اللبن في وقت الرضاعة الطبيعية المكتوب في الجدول عشان برضه تتجنبي نقص اللبن.
- لو حسيتي بأي تعب أو تغيرات على الرضيع، لازم تروحي للدكتور فورًا.
عشان تعرفي عن صيام الحامل، شوفي المقال ده.
عشان تعرفي عن أطعمة مغذية لكي وقت الرضاعة الطبيعية، شوفي المقال ده.
التعليق باستخدام حساب فيس بوك