مع دخول رمضان 2022، طلبة كتير على مختلف مراحل التعليم عندهم امتحانات، المشكلة دايمًا في المذاكرة بتكون للأبناء اللي سنهم يسمح بممارسة فريضة الصيام اليوم كله. الصيام بطبيعته مجهود وكتير مننا بعد الفطار بيكون في حالة إرهاق، وخصوصًا مع تغير نظام المواعيد اليومي. لكن كل ده ممكن نساعد على تجنبه أو على أقل تقدير نحسنه ونساعد أولادنا على المذاكرة بتركيز في رمضان بشكل أفضل عن طريق شوية نصائح بسيطة وفعالة في نفس الوقت، فتعالي نعرف إيه هي النصائح دي.
أفضل طرق المذاكرة في رمضان لزيادة التركيز
تنظيم النوم لأفضل مذاكرة في رمضان
من الحاجات اللي بتسبب اضطراب في التحصيل العلمي هو اضطراب ساعات النوم، فخليكي حريصة دايمًا إن أولادك ياخدوا قسط كافي من النوم مش أقل من 8 ساعات في اليوم.
روتين النوم للأطفال: ازاي أعود ولادي على النوم بدري قبل المدارس
عمل جدول للمذاكرة في رمضان
أفضل وقت للمذاكرة خلال يوم رمضان بيكون خلال فترات النهار لحد قبل الفطار بساعة وبعد الفطار بساعتين، المخ في الأوقات دي بيكون في أعلى قدرته على التحصيل.
ذكاء الأطفال والمذاكرة: “ابني ذكي .. بس مش بيذاكر”
توفير بيئة للمزاكرة
وده معناه إنه يكون بعيد عن شاشات التلفيزون، وكمان بيكون بعيد عن السراير، علشان متشجعش الطفل على إنه يكسل في المزاكرة.
هنا ممكن تشوفي 5 أفكار مبتكرة لتجهيز مساحة مذاكرة مشجعة للأولاد
التغذية السليمة
وده بيكون عن طريق تناول الورقيات وطعام صحي متوازن، بعيد عن الأكلات عالية الدهون، والمقلية، وده مش في رمضان بس إنما طول السنة كمان، لأنه بتسبب كسل كبير للجسم.
ممكن كمان تشوفي صيام طفلك في رمضان .. بنتي بتاكل من ورايا في الصيام
التوازن في تناول الكافيين
وده بيكون عن طريق شرب كوب واحد بعد الفطار كفاية جدا، لأن الإكثار منه هيسبب حالات أرق وبالتالي مافيش نوم والنظام كله يبوظ.
لمدمني القهوة .. 7 نصائح لتجنب الصداع في رمضان
شرب المياه كتير
المياة هي غذاء كل أعضاء الجسم، وخصوصا المخ، المخ عاجز تماما عن اداء وظائفه المتنوعة والجسم مش واخد كفايته من المياة، علشان كدة استغلي ساعات الفطار في إن ولادك يتناولوا كميات مياة مناسبة وكافية.
لازم وجبة السحور
وجبة السحور وجبة مهمة جدا وهي أصلا الوجبة اللي الجسم بيعتمد عليها في تحمل ساعات الصيام، علشان كدة إلغائها من نظام أكلكم خطر كبير وله أثر سلبي على صحة أفراد الأسرة.
سحورك على السريع: 7 أفكار سندوتشات لسحور رمضان
لازم وقت للراحة من المذاكرة
كلنا في رمضان بنحب نتابع الدراما التيلفيزونية، علشان كدة أسمحي لأولادك بمتابعة عمل واحد من اللي بيتعرضوا في رمضان من باب الراحة والترفيه عنهم.
البعد عن الحلويات في رمضان
من نقاط ضعفنا كلنا حلويات رمضان، لكن السكر فعلا تأثيره على المخ سلبي جدا، علشان كدة من المهم تقنين كمية الحلويات اللي بيتم تناولها بعد الفطار، ومرة واحدة في الأسبوع هتكون كافية جدا، ومن الأفضل إن تخلي الفواكه جزء أساسي من التغذية اليومية.
تقليل التجمعات العائلية
خلينا نفضل فاكرين إن الكورونا لسة موجودة، وإن التجمعات العائلية في الأماكن المغلقة لسة بتدي فرص إنتقال للعدوى سريعة، علشان كدة يظل من الأفضل إن التجمعات دي تقل للحد الأدنى.
الصيام لمريض الكورونا أو لسه متعافي .. ينفع تصوم رمضان
تقدري تقولي إن النصايح دي إتباع أولادك ليها في المذاكرة في البيت خلال رمضان هتساعدهم على التحصيل الجيدو الصحي اللي هما محتاجين ليه، وكل سنة وإنتوا طيبين.
التعليق باستخدام حساب فيس بوك