الفطام التدريجي من الرضاعة الطبيعية بيدي للأم والطفل فرصة إعادة التكيف العاطفي والجسدي، وهو دi الحل الأمثل للأم وطفلها، بس أحيانا لأسباب كتير الفطام التدريجي بيبقى غير ممكن لأمهات كتير هي وأطفالها، وفي أمهات كتير بتعاني من تجفيف لبن الثدي بعد الفطام.
هنا ممكن تشوفي تجربتي: أنا ما رضعتش طبيعي .. أنا مش أم وحشة
لسوء الحظ الفطام المفاجئ ممكن يكون له آثار جسدية ونفسية قوية، زي مثلا الفطام المفاجئ اللي بيزيد من احتمالية انسداد قنوات اللبن الثديية عند الأم وممكن يأدي لالتهاب الثدي مع إحساس قوي بالألم، وعشان كده مهم يكون في استراتيجيات فعالة عشان تجفيف لبن الثدي بسرعة في المواقف اللي ممكن تضطر الأم لكده.
الفطام المفاجئ أحيانا بيبقى ضرورة لو كانت الأم محتاجة تدخل طبي عاجل مثلا زي بداية العلاج الكيماوي لا قدر الله أو في الحالات الحزينة لموت الطفل عند الولادة أو الموت في المهد.
هنا جمعنا لك أفضل كريمات لعلاج تشقق حلمات الثدي أثناء الرضاعة
طرق تجفيف لبن الثدي في حالة الفطام الضروري
- الأدوية مابقتش بتستخدم كروتين علاجي.
- بلاش ربط للثديين.
- لو عطشانة اشربي.
- اشربي شاى الميرمية.
- فرغي اللبن عشان ترتاحي.
- استخدمي كمادات باردة لإزالة الألم.
- الأدوية المضادة للالتهابات.
الأدوية لا تستخدم كروتين علاجي لـ تجفيف لبن الثدي
- الأدوية كانت بتستخدم فى الماضى لمنع لبن الأم من التدفق بقى نادر جدا لما تستخدم دلوقتي عشان لها آثار جانبية زي الغثيان الشديد وغيره.
- ما بتبقاش فعالة لو تم استخدامها بعد مرور أيام الفطام الأولى.
- عادة ما بيكونش ضروري أوي تاخدي أي حاجة لتنشيف اللبن وعلى الرغم من إن في أدوية زي السودو إفدرين وأشكال تانية من موانع الحمل الهرمونية أمهات كتير بتلاقيها مساعدة لتجفيف اللبن بس لازم تتكلمي مع الدكتور المختص.
عدم ربط الثديين لتنشيف لبن الثدي
- ربط الثديين كان عادة قديمة لتنشيف لبن الأم بس هو مش بيخلي الأمهات يكونوا مرتاحين وبيزود من فرصة انسداد قنوات اللبن وحدوث التهابات للثدي، وإن الأم تلبس حمالة ثدي داعمة ومحكمة ومش ضيقة في نفس الوقت ده فكرة أحسن بكتير.
لو عطشانة اشربي
- تقليل كمية السوايل اللي بتشربيها مش هيساعد على تنشيف اللبن عشان كده اشربي كل ما تعطشي وكل ما تحتاجي.
هنا دليل أشهر استشاريين الرضاعة الطبيعية في القاهرة
اشربي شاى الميرمية لـ تجفيف لبن الثدي
على الرغم من إن استخدام شاى الميرمية لتجفيف اللبن لسه ما تمش دراسته ودراسة تأثيره لكن في كتير من الأمهات لقيوا إن شرب الميرمية بيساعد على تجفيف اللبن، ممكن تلاقي شاي الميرمية في أي مكان بيبيع أكل صحي أو عند العطار.
ومهم جدا تفتكري إن الأعشاب زي الأدوية، عشان كده لازم تستشيري الدكتور قبلها.
الإمساك مع الرضاعة الطبيعية المطلقة (الحصرية)
فرغي اللبن عشان ترتاحي
تفريغ اللبن هيحسسك بالراحة اللي هتساعد على تجفيفه عشان كده خدي حمام دافي دا هيساعد بردو على تخفيف ألم الصدر الممتليء.
فى البداية ممكن تكوني محتاجة تفرغي اللبن كل شوية لكن مع الوقت المسافة بين المرتين هتزيد.
استخدمي كمادات باردة لإزالة الألم
عبوات الثلج، الكمادات الباردة بيساعدوا فى تخفيف الألم وتقليل أى تورم.
الأدوية المضادة للالتهابات
بعض الأدوية المضادة للالتهابات زي الإيبيوبروفين بتساعد فى تخفيف الألم المصاحب لتجفيف الثدي.
وبنفكرك تتكلمي مع دكتورك قبل تناول أى أدوية.
التعليق باستخدام حساب فيس بوك