عينك هي بوابة روحك، أول حاجة بتتشاف في وشك هي عيونك، علشان كدة وعلى مر التاريخ والأدب كانت للعيون حظ الأسد في الوصف. النهاردة هنتكلم معاكي عن وصفات طبيعية تساعدك على تكثيف الحواجب والرموش بسرعة، من خلال وصفات تعمليها في البيت، صحيح في منها ممكن تاخد وقت لكنها فعالة ونتيجتها أكيدة.
ممكن تشوفي هنا طريقة تركيب الرموش بنفسك في دقايق
طرق تكثيف الحواجب والرموش
وصفة زيت الزيتون والفازلين لتكثيف الحواجب
المكونات:
- معلقة صغيرة جل الصبار
- معلقة صغيرة زيت زيتون
- معلقة صغيرة فازلين
- معلقة صغيرة كريم فيتامين هـ
- برطمان إزاز صغير
الطريقة:
- أخلطي المكونات دي كلها مع بعض، لحد ما تمتزج تماما.
- وبفرشة صغيرة، ومن الأفضل تكون فرشة ماسكارا نضيفة، خدي شوية من الكريم ده وامشي بيه على رموشك وحواجبك.
- استمري على الوصفة دي يوميا قبل النوم لحد ما توصل لطول الرموش اللي عايزه، وكثافة الحواجب اللي عايزاها.
هنا كمان ممكن تشوفي فوائد زيت الزيتون للبشرة والشعر والجسم و فوائد الفازلين: كنتي تعرفيها قبل كدة؟
وصفة زيت جوز الهند وزيت الزيتون للحواجب والرموش
المكونات:
- نصف معلقة صغيرة من زيت الزيتون البكر الممتاز
- نصف معلقة صغيرة من زيت جوز الهند العضوي
- نصف معلقة صغيرة من زيت اللوز الحلو
فوائد لبن جوز الهند للبشرة .. وخلطات مش هتصدقي نتيجتها
الطريقة:
- اخلطي كل المكونات مع بعض في برطمان زجاجي نضيف.
- الوصفة هتكون زيتية، علشان كدة استخدمي فرشة في تطبيقها على الرموش والحواجب.
- سيبي الوصفة دي طول الليل أو 3 ساعات على الأقل، وبعد كدة اغسليها بمياة فاترة
- استخدمي القطن في مسح الباقي من الوصفة علشان تمنعي إنها تدخل عينك.
وصفة زيت الخروع للحواجب والرموش
زيت الخروع بيتميز بإحتوائه على الأحماض الدهنية الطبيعية والبروتينات ومضادات الأكسدة وحمض الريسينوليكاللي بيساعدوا على نمو رموشك بسرعة.
الطريقة:
- اشتري زيت الخروع من مصدر موثوق، وممكن تستخدمي الطبي اللي بيتباع في الصيدليات.
- وبفرشاة نضيفة أو فرشاة ماسكارا حطي بيهل على رموشك من فوق وتحت وعلى الحواجب.
- كري الوصفة دي يوميا وأفضل يكون بليل قبل النوم وهتلاقي تغير مبهر في وقت قصير.
- زيت الخروع زيت تقيل، فلما تيجي تحطيه على الرموش خليكي حريصة إنه ميدخلش العين.
وصفة جل الصبار ( الألوفيرا ) لتكثيف الحواجب
بيساعد الصبار (الألوفيرا) في تعزيز نمو الشعر بسبب وجود مادة الألوينين فيه. مادة الألوينين دي بتساعد في منع تكسر الشعر، وبتعتبر محفز طبيعي لنمو شعر الرموش والحواجب. وبيساعد كمان في ضمان أن تكون بصيلات شعرك صحية وقوية.
الطريقة
- هاتي جيل الألوفيرا من مصدر موثوق، أو ممكن تزرعيه في البلكونة عندك وتستخدميه مباشرة.
- دلكي الجل على الحواجب وبفرشة نضيفة حكي منه على الرموش.
- سيبي الجيل ده على رموشك وحواجبك من ساعتين لتلاتة، وبعد كدة اشطفيهم بالمياة.
- كرري الوصفة دي يوميا، وزي ما بقولك دايما إن فترة الليل هي الأفضل.
تقدري تقولي إن دي أسهل طرق تكثيف وتطويل الرموش، طبعا لازم تستخدي إسكراب ناعم على بشرتك علشان يشيل الجلد الميت ويسمح لبشرتك تتنفس، وطبعا مع نظام غذائي صحي مع فيتاميناتك، هتلاقي النتيجة مبهرة.
كمان ممكن تشوفي هنا أفضل ماسكرا لتطويل الرموش .. حقيقة مش كدبة
التعليق باستخدام حساب فيس بوك