محتويات المقال
أنا فاكرة دايمًا واحنا صغيرين في التسعينات كان ظهر منتج جامد في فصل الصيف اسمه الآيس تي الشاي المثلج والمنتج ده كان تبع شركة ليبتون. المنتج كان عبارة عن كان can وعليه اسم ليبتون وتعريف عن المنتج واسمه ايس تي. الحقيقة كان غريب قوي لناس كتير إن الشاي اللي بيتشرب سخن مولع من على النار وجنبه البسكويت والبقسماط، يبقى بيتشرب بارد. بس الحقيقة إن بعد ما جربناه كان جميل جدًا وله نكهات مختلفة زي الشاي المثلج بالخوخ وكان بيبقى لذيذ في حر الصيف، لكن للأسف الحلو ما بيكملش. والمنتج ما بقاش متوفر قوي في السوق وبقى نادرًا لما نلاقيه. لكن في الفترة الأخيرة، ظهرت أنواع تانية جديدة ولكن سعرها مرتفع إلى حد ما. ولو إنتي من عشاق الآيس تي، ممكن تعمليه بنفسك في البيت بمكونات سهلة خالص ومتوفرة عندك. اقري الموضوع ده وهنقول لك على طرق مختلفة لعمل الآيس تي.
طريقة عمل الآيس تي بالليمون والنعناع
المقادير
- 3 باكيت شاي.
- ماء مغلي.
- نص كوب عصير ليمون.
- ربع كوب نعناع فريش.
- سكر للتحلية.
- مكعبات تلج.
طريقة عمل الآيس تي بالليمون والنعناع
- اغلي المياه وحطي باكيت الشاي في المياه.
- ضيفي عصير الليمون المصفى وورق النعناع وسيبيهم فيهم لحد ما الشاي يبرد.
- حليه بالسكر على حسب رغبتك وشيلي ورق النعناع وحطيه في التلاجة لحد ما يبرد.
- طلعيه قدميه وحطي فيه مكعبات التلج ووشرايح ليمون وبعض ورق النعناع للزينة.
طريقة عمل آيس تي الشاي المثلج بالخوخ
المقادير
- 3 باكيت شاي بنكهة الخوخ.
- مياه مغلية.
- مكعبات تلج.
- سكر للتحلية.
- شرايح خوخ للزينة.
طريقة عمل آيس تي بالخوخ
- اغلي المياه وحطي فيها باكيت الشاي وسيبيهم لحد ما يبردوا.
- شيلي الباكيت وحليه بالسكر حسب رغبتك ودخلي الشاي التلاجة لحد ما يبرد.
- طلعي الشاي وقدمي معاه مكعبات التلج وشرايح الخوخ على جانب الكوب للزينة.
طريقة عمل الآيس تي الشاي المثلج بالفراولة
المقادير
- 3 باكيت شاي.
- نصف كوب عصير فراولة مصفى.
- ربع كوب عصير ليمون.
- فانيليا سايلة.
- أوراق النعناع.
- مياه مغلية.
- مكعبات تلج.
- سكر.
طريقة عمل عصير دايت طبيعي .. 3 عصائر هتحبيهم
طريقة عمل الآيس تي بالفراولة
- اغلي المياه وضيفي باكيت الشاي وسيبيهم يبردوا شوية.
- شيلي باكيت الشاي وضيفي عصير الليمون والفراولة والفانيليا وقلبي كويس.
- زودي السكر على حسب رغبتك وحطيهم في التلاجة.
- قدميه بارد مع مكعبات التلج وورق النعناع الفريش.
طريقة عمل الحليب النباتي لو عندك حساسية لاكتوز
التعليق باستخدام حساب فيس بوك