من أكتر الأمور المسببة لقلق الأم بعد الولادة خاصة فترة الولادة هي فكرة إنها ممكن تحمل تاني وطفلها لسه حديث الولادة، خصوصًا إن فكرة الدورة الشهرية المنتظمة بتكون غير معتمد عليها لأن هرمونات الحمل والولادة والرضاعة إن وجدت بتعمل لخبطة كبيرة في مواعيد الدورة الشهرية على الأقل في الفترة الأولى بعد الولادة. ففي ستات كتير بتدور على وسائل وطرق ناجحة ومجربة لمنع الحمل بعد الولادة خاصة للمرضع في فترة النفاس.
وسائل منع الحمل المستخدمة بعد الولادة ممكن يبدأ استخدامها بعد الولادة في الفترة ما بين 48 ساعة لحد 6 أسابيع، بس الخيار الأفضل ليكي مش بيتحدد غير بناء على استشارة الطبيب اللي بيكون عنده تاريخك المرضي كله، وممكن تصادفي إنك بتغيري من وسيلة للتانية حسب مدى راحة جسمك مع الوسيلة المختارة.
وسائل لمنع الحمل بعد الولادة خاصة للمرضع
الواقي الذكري لمنع الحمل بعد الولادة
الواقي الذكري هو أول وأسرع وسيلة منع حمل بعد الولادة. تقدري تعتمدي على الواقي الذكري أثناء العلاقة الحميمية مباشرة بعد الولادة وده هيخليكي تستمتعي بعلاقة آمنة من غير قلق.
هنا ممكن تشوفي سلسلة وسائل منع الحمل: الواقي الذكري
وسيلة منع حمل بعد 48 ساعة من الولادة
أفضل وسيلة منع الحمل تستخدم بعد الولادة مباشرة هي تركيب اللوب الهرموني بعد 48 ساعة من الولادة، بس ده لا يعني إنك مش هتقدري تركبيه بعد كده. هو ممكن بس بعد 6 أسابيع من الولادة لو 48 ساعة الأولانية راحت من عليكي.
شوفي هنا أنواع اللولب لمنع الحمل وإيه أفضلهم
طرق منع الحمل بعد الولادة مباشرة
- كبسولة منع الحمل تحت الجلد
- حقنة منع الحمل
- حبوب البروجيسترون فقط
سلسلة وسائل منع الحمل: طريقة العزل
منع الحمل بعد 3 أسابيع من الولادة
- حبوب منع الحمل المركبة
- الحلقة المهبلية ring
- لاصقة منع الحمل
وسائل منع الحمل بعد 4 أسابيع من الولادة
طرق منع الحمل بعد 6 أسابيع من الولادة
- الواقي الأنثوي
تقدري تقول إن دي الإختيارات المتاحة قدامك خلال الأسابيع الأولى بعد الولادة. وزي ما قلت لك، اللي بيحدد الأنسب ليكي هو الطبيب المعالج. ما ينفعش تختاري بنفسك، ولو حصل إن موانع الحمل دى كان ليها أثر سلبي على صحتك، يبقى هتحتاجي تفكري في استخدام وسائل منع حمل الذكرية زي الواقي الذكري اللي لو تم استخدامه بشكل صحيح هيكون فعال جدًا في منع الحمل.
وسائل تنظيم الأسرة للرجال .. منع الحمل مش بس للستات
ده معناه إن وسيلة منع الحمل الخاصة بيكي لازم تفكري في استخدامها بعد الولادة على طول، هتساعدك على تنظيم هرموناتك وتجنبك خطر حدوث حمل غير مخطط له خصوصًا في الفترة الأولى من حياة رضيعك.
التعليق باستخدام حساب فيس بوك