الفتلة أو الخيط أو threading هي طريقة آمنة لإزالة شعر الوجه للستات والبنات، وكمان طريقة معروفة ومشهورة في ثقافات كتير. وحتى المجتمع الأمريكي ابتدا مؤخرًا في الاهتمام بالطريقة دي اللي دخلت لهم عن طريق اختلاط الثقافات الشرق أوسطية والآسيوية معاهم و بقت خطوة مهمة في روتين العناية بالبشرة. طبعًا في ظل الحظر الصحي اللي احنا فيه بسبب فيروس الكورونا وفي ظل قفل الكوافيرات، بقت عندنا مشكلة كبيرة كستات وبنات وهي إزالة شعر الوجه، وعشان كده، جيبنا لك النهارده فيديوهات هتسهل عليكي جدًا طريقة إزالة شعر الوجه بالفتلة بنفسك في البيت، عشان ما تضطريش تستني لحد ما الكوافيرات تفتح ولا حتى تلجأي لوسائل زي الحلاقة اللي ممكن تتسبب لك في جروح في وشك لو مش متمكنة قوي، أو السويت والشمع اللي بيوجعوا جدًا.
نصايح قبل استخدام الفتلة لإزالة شعر الوجه
قبل ما تبدأي في إزالة شعر الوجه بالفتلة ، يستحسن تكوني مرطبة البشرة كفاية، يعني غسلتيها ونشفتيها كويس وكمان يفضل تستخدمي بودرة تلك أو baby powder عشان وشك ولا يلتهب ولا يوجعك وانتي بتشيلي الشعر منه. ودلوقتي هنسيبك مع الفيديوهات.
الفيديو الأول
الفيديو التاني
ممكن تعرفي هنا هل يمكن للحامل إزالة الشعر بالليزر؟ ولا ده مضر وإيه أفضل طريقة ليها
والفيديو التالت ده طريقة تانية للف الفتلة وانتي بتستخدميها
ولأن فيه ستات وبنات كتير بتبعت تسألنا على أفضل الأماكن لإزالة شعر الجسم بالليزر، فقررنا نعملك الدليل ده علشان نوفر لك وقتك ومجهودك في البحث، شوفي هنا دليل بالأسعار أماكن إزالة الشعر بالليزر في القاهرة
التعليق باستخدام حساب فيس بوك