طريقة النوم الصحيحة بعد الولادة القيصرية وأهم النصائح

صحيح كنتي بتتعبي في النوم أثناء الحمل، ومش لاقية وضع مريح وخصوصُا في الشهور الأخيرة، بس كمان بعد الولادة القيصرية النوم مش بيكون سهل، بسبب آلام جرح الولادة، وفي الأيام الأولى بعد الولادة يكون التقليب في السرير مهمة صعبة جدًا، وعلشان نسهل عليكي النوم هنقولك على طريقة النوم الصحيحة بعد الولادة القيصرية وأهم النصائح.

طرق النوم الصحيحة بعد الولادة القيصرية

• النوم على الضهر

تعتبر دي أحسن وضعية للنوم بعد الولادة القيصرية، بسبب إن الضهر بعيد عن مكان جرح الولادة، ومش هيسبب أي احتكاك بينه وبين السرير أو الملابس أو الضغط عليه، وبالتالي مش هيأثر سلبًا على الغرز.

لكن في سلبيات للوضعية دي منها:

الوضع ده مش صحي للسيدات اللي بيعانوا من مشاكل في ضغط الدم.

لما هتيجي تقومي تقعدي وانتي نايمة على ضهرك، ده هيسبب ألم كبير في الأيام الأولى بعد الولادة.

•  النوم على أحد الجانبين

سيدات كتير بيفضلوا الوضعية دي في النوم بعد الولادة القيصرية، وبزاوية معينة بتكون بعيدة عن جرح القيصرية، وميزتها إنها مش بتسبب أي أضرار للسيدات اللي بيعانوا من مشاكل أو عدم استقرار في ضغط الدم، وممكن الأن تستعمل مخدة صغيرة تسند بيها بطنها وهي نايمة.

والمقال ده كمان هيفيدك: نصائح للتبول بعد الولادة مباشرة

• النوم بوضعية الجلوس

أمهات كتير بيفضلوا يناموا وهما قاعدين، ويحطوا وراهم مخدات كتير، أو يقعدوا على كرسي مريح ويناموا، صحيح مش بيرتاحوا قوي في النوم، لكن الطريقة دي بيتلافوا بيها آلام النوم بعد الولادة القيصرية، وبتكون أسهل عليهم مع الرضاعة الطبيعية أثناء الليل، وأسهل لما تيجي الأم تقوم من مكانها.

•  النوم على المخدات

استخدام المخدات ممكن يريح كتير من السيدات في نومهم بعد الولادة القيصرية، وبيدعموا بيه مناطق معينة من الجسم زي البطن أو تحت الركبتين، وتقدري تجربي لحد ما تلاقي وضع مريح للمخدات.

• نصائح عامة لتحسين جودة النوم بعد الولادة القيصرية:

1. أي مشكلة تقابيلها لازم ترجعي فورًا لطبيبك المتابع، علشان تتجنبي أي آثار سلبية لا قدر الله.
2. تناول الأكل الصجي المفيد والمتكامل، لإنه بيساعد على سرعة التعافي.
3. تجنبي الإجهاد والتمارين الرياضية العنيفة وشيل أي تقل.
4. مارسي رياضي المشي الخفيف.
5. اطلبي المساعدة من جوزك أو والدتك.
6. اشربي سوائل كافية علشان تتجنبي الإمساك والغازات.
7. خلي جو أوضتك يساعد على النوم في وقت النوم.
8. تجنبي المشروبات اللي فيها كافيين.
9. قبل النوم ما تستخدميش الشاشات لإن الضوء الأزرق بيسبب الأرق، وبيقلل الإحساس بالراحة.

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

المصادر:
webteb.com