سواءً عايزة تعملي الحمام الكداب، أو عايزة تخلي الفراخ لعمل البانيه فتقطعي انتي الصدور وتعملي منها أحلى بانيه بيتي، أو خلي الفراخ لعمل شيش طاووق، فتبقي عايزاه تخلي الوراك بحرفيه، في كل الحالات محتاجة تعرفي طريقة خلي الفراخ عمومًا وعشان الموضوع مش أسهل حاجة ومحتاج تكنيك معين، جيبنا فيديوهات تسهّل عليكي عملية خلي الدجاج تمامًا عشان تبقى أشطر شيف في مطبخك.
طريقة خلي الفراخ وتقطيعها
هنا هتلاقي الشيف هالة فهمي وهي بتعلمك إزاي تخلي الفرخة بسهولة وكمان تقطعيها.
أما هنا، فهتلاقي طريقة خلي الفراخ وكمان تقطيعها لقطع صغيرة.
وهنا طريقة تانية لخلي الدجاج.
أعمل بيها إيه دلوقتي .. عندي فراخ مخلية؟
نيجي بقى للأسئلة المهمة: دلوقتي أنا عندي فرخة مخلية، أعمل بها إيه؟ هاقول لك دلوقتي على وصفات بوراك وصدور الفراخ المخلية.
- الدجاج المخلية لعمل فتة شاورما الفراخ: ودي بتحتاج 1/2 كيلو من صدور أو أوراك الفراخ المخلية.
المقادير:
- 1/2 كيلو صدور أو أوراك الفراخ المخلية
- 1/4 كوب عصير برتقان
- 2 معلقة كبيرة لبن رايب أو زبادي
- 3 معالق كبيرة زيت نباتي
- 2 معلقة صغيرة توم مفروم ناعم جدًا
- 1 معلقة كبيرة خل أبيض
- 1 معلقة صغيرة 7 بهارات
- 1/2 معلقة كبابة صيني
- 1/4 معلقة قرنفل مطحون
- 1/4 معلقة حبهان مطحون
- 1/2 معلقة كزبرة ناشفة مطحونة
- ملح وفلفل أسود.
- الدجاج المخلية لعمل شاورما الفراخ: طبعًا دي هتحتاج منك برضه 1/2 كيلو من صدور أو أوراك الفراخ المخلية. حبينا نحط لك الوصفة الخام عشان لو حبيتي تعملي الشاورما من غير فتة.
- الفراخ المخلي لعمل كبسة الدجاج: ودي بتحتاج ½ كيلو أوراك الدجاج مخلية من الجلد والعظم.
المقادير:
- ½ كيلو أوراك الدجاج مخلية من الجلد والعظم
- 2 كوب رز بسمتي مغسول ومنقوع 30 دقيقة
- 1 معلقة كبيرة معجون الطماطم
- 2 معلقة صغيرة بهارات الكبسة
- 3 عود قرنفل
- 2 حبة لومي (ليمون أسود)
- 4 حبات حبهان
- 1 عود قرفة
- 3 ورق لورا
- 2 معلقة صغيرة كركم
- 1 معلقة صغيرة قرفة ناعمة
- 1 قرن فلفل أحمر حار
- 1 ثمرة فلفل أخضر مقطعة مكعبات
- 2 ثمرة طماطم مقطعة مكعبات صغيرة
- 1 بصلة كبيرة مقطعة جوانح
- ملح وفلفل أسود
- سمنة وزيت نباتي
- 4 كوب مرقة دجاج.
- وصفات صدور الفراخ: اللينك ده فيه 5 طرق مختلفة لصدور الفراخ المخلية بمقاديرهم وطرقهم. هتلاقي فيها: صدور الفراخ مع الخضار في صينية الفرن المسطحة – الفاهيتا – بيكاتا الفراخ – صدور الفراخ المحشية بالموتزاريلا والطماطم المجففة مع الريحان – مكعبات صدور الفراخ بصوص الترياكي.
ممكن تشوفي هنا منيو إفطار رمضان: 30 أكلة شهية لازم تكون على سفرتك
التعليق باستخدام حساب فيس بوك