عشان تغيري من مودك، ممكن تغيري من لون شعرك. حاجة بسيطة بس بتفرق كتير عند ستات كتير (ورجالة كمان بالمناسبة). بس خلينا نتكلم عننا احنا النهارده. صبغ الشعر خصوصًا لو لون جديد عليكي هيغير مش بس لون شعرك، لكن هيغير شكل وشك وطلتك ومزاجك كل ما تبصي في المراية. لكن الموضوع لما بيكون مرتبط بالنسبة لك إنك تروحي لصالون، بيكون فيه تقل فيه عشان الفلوس والمشوار اللي لازم تخصصي له وقت. عشان كده، هاقول لك بالخطوات وبالفيديو طريقة صبغ الشعر في البيت.
القهوة التركي للتخلص من الشعر الأبيض
خطوات صبغ الشعر في البيت
- افتحي العبوة.
- اعملي اختبار الحساسية – قبل الصبغة بـ48 ساعة. الاختبار بيكون إنك تحطي نقطتين من المنتج على الجلد ورا ودنك. لو حصل أي تحسس في البشرة في الجزء اللي حطيتي عليه المنتج، ما تستخدميش الصبغة. اعرفي صبغات شعر طبيعية لو عندك حساسية من صبغة الشعر.
- هتربطي فوطة على رقبتك.
- هتلبسي جوانتي بلاستيك عشان اللون ما يبقعش إيدك؟
- هتحطي فازلين أو كريم على جبهتك وتحت آخر منابت الشعر من رقبتك من ورا. الخطوة دي مهمة عشان اللون ما يبقعش جلد وشك ورقبتك.
- هتجيبي توك مشبك كتير، عشان تقسيم الشعر خصل.
- في بولة، فرغي المكونات مع بعضها واخلطيها.
- بفرشاة، ابتدي قسمي الشعر واصبغي الجذور.
- كملي تقسيم وصبغ لحد ما تخلصي كل الجذور.
- امشي لباقي الشعر.
- سيبيه الوقت اللي مكتوب في النشرة المرفقة أو على العلبة.
- اغسلي الشعر بميا دافية فقط لحد ما الميا تنزل من غير لون.
- اغسلي الشعر ببلسم الشعر المفضل ليكي.
فيديو صبغ الشعر بنفسك
أسباب ظهور الشعر الأبيض وطرق علاجه
لو غيرتي رأيك وقررتي تصبغي شعرك في صالون، دي أفضل أماكن صبغ الشعر في القاهرة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك