ما تنكريش إنك بتحبيه، مش موضوع إنك جايبة الطريقة عشان تبسطي ولادك. فيه جزء دفين جواكي عايز الطريقة عشان تقومي تعمليه وتدوقيه في كل المراحل وبعدين لما يطلع حلو، تعمليه كل يومين (بحجة الولاد برضه). أيًا كانت أسبابك المستخبية أو المعلنة، جايبة لك طريقة عمل آيس كريم الأوريو عشان ننبسط كلنا به. هتلاقي كمان في آخر المقال فيديو بيوضح الطريقة وبيشجعك جدًا تقومي حالا تطلبي السوبر ماركت.
طريقة عمل الآيس كريم بدون ماكينة في البيت
طريقة عمل آيس كريم الأوريو
مقادير آيس كريم الأوريو
- 18 بسكوتة أوريو
- علبة لبن مكثف محلى
- كوبين من كريمة الخفق الساقعة.
طريقة عمل ميلك شيك أوريو في البيت
طريقة عمل آيس كريم أوريو
- كسري 14 بسكوتة أوريو لقطع صغيرة.
- حطي الكريمة في بولة كبيرة واضربيها بالمضرب 4-5 دقايق.
- ضيفي اللبن المكثف واضربي بسرعة منخفضة لحد ما يندمجوا خالص.
- ضيفي ال14 بسكوتة وادمجيهم بس بطريقة تقليب هادية بالسباتيولا.
- حطي كل الخليط في علبة، وحطي ال4 بسكوتات متقسمين انصاص على الوش.
- حطيها في الفريزر لمدة 6 ساعات على الأقل.
نصائح للآيس كريم
- تقدري تشتري كونات الآيس كريم الفاضية (البسكوت) وتحطي بولات الآيس كريم فيه، أو تقدميه في كاسات.
- بعض الناس بتحط فانيليا على الخليط لكن دي حاجة اختيارية.
- بعض الوصفات بتستخدم لبن وبياض بيض وسكر لكن الوصفة المذكورة دي أسهل بكتير لإنها بتستغنى عن كل ده مقابل اللبن المكثف المحلى. بياض البيض مجرد إنه بيعمل كثافة واللبن والسكر موجودين بالفعل في اللبن المكثف.
- تقدري تشتري أي نوع بسكوت سادة تحبيه وتطريه باللبن وتحطي الآيس كريم بين طبقتين منه. وبكده، تكوني عملتي ساندوتش آيس كريم.
بالفيديو طريقة عمل أوريو آيس كريم
أجمد 14 مكان تشتري منهم آيس كريم في الصيف!
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر
الوصفة وصفة The Cooking Foodie
What’s your Reaction?
التعليق باستخدام حساب فيس بوك