لازم كل سنة تحصل خناقة بين مجموعتين، مجموعة محبي الصيف اللي بيموتوا في المعاناة وضيق التنفس وكائنات رخوة بتتغذى على الحر زي عرق الجبين، ومجموعة محبي الشتا والحضن والقهوة تحت المطر وبرضو محبين المعاناة وضيق التنفس بزكامه بطينه.. جت بقا فاكهة المانجو اللي مسكت العصايا من النص وعملت لجظة إنسجام بين الصيف والشتا، نزلت في شهر رمضان وعملناها أحلى كنافة بالمانجو ومن كل رفوف محلات الحلويات خطفناها، حتى في الوصفات الهندية طبخناها وخللناها… وبما إن الأيام دي بننصهر زي بيضة مسلوقة متسابة لحد ما الميه اتبخرت فأكيد هنحتاج حلوة وساقعة تطري وترفرف على القلب الحزين، جبنا ليكي في المقالة دي طريقة عمل أيس كريم مانجو على طريقة الشيف سالي فؤاد، جربيها وقولي لينا رأيك وبألف هنا وشفا على قلبك.
طريقة عمل أيس كريم مانجو على طريقة الشيف سالي فؤاد
مقادير أيس كريم المانجو
- علبة لبن محلى مكثف
- نص كيلو كريمة مخفوقة
- كيلو مانجو مهروسة
هنا ممكن تشوفي 3 حلويات باردة سهلة وسريعة بدون فرن في 5 دقائق
خطوات عمل الأيس كريم المانجو
- هتضربي الكريمة المخفوقة لحد ما توصلي لقوام متماسك وبعدين هتضيفي كل المكونات السابقة على بعض وتمزجي كويس.
- هتحطي الخليط في قالب كيك لو تحبي تحوليه لتورتة أو قوالب الأيس كريم الصغيرة.
طريقة عمل ميلك شيك أوريو في البيت
والفيديو ده هيوضحلك الطريقة بالتفصيل
التعليق باستخدام حساب فيس بوك