من ذكريات الشتا وأنا طفلة صغيرة، أول حاجة ماما تعملها بعد ما تشغل إذاعة القرآن الكربم في راديو المطبخ الصغير تنده علينا كلنا عشان ناكل البليلة وهي لسه سخنة قبل ما نروح المدرسة عشان تدفينا وتدينا طاقة كبيرة نكمل بيها اليوم. البليلة المصري بالرغم من إنها وجبة سهلة ومكوناتها قليلة إلا إنها مفيدة جدًا للصحة.. في الموضوع ده هنعرفك طريقة عمل البليلة المصرية .. وفوائدها اللي لو عرفتيها مش هتبطلي تأكليها لولادك كل يوم.
فوائد البليلة المصرية
البليلة المصرية عبارة عن حبوب القمح اللي بيتضاف ليها لبن وعسل ومن أهم فوائدها:
- القمح مصدر مهم لفيتامينات ومعادن كتير زي فيتامين ب والزنك والحديد والمنجنيز والبروتين اللي بيبقوا عنصر هام في حماية الجسم والوقاية من الأمراض.
- تقليل فرص الأصابة بأمراض القلب المختلفة.
- تنشيط خلايا الجسم والمخ ودعم الذاكرة.
- المساعدة في علاج الانيميا بسبب احتوائها على نسبة عالية من الحديد.
- الحفاظ على الوزن بسبب احتوائها على الألياف اللي بتزود احساس الشبع.
شاي الماتشا : التريند الجديد في عالم الشاي
طريقة عمل البليلة المصرية
بعد ما اتكلمنا عن فوائد البليلة المصرية اللي هتخليكي تعمليها كل يوم لولادك عشان يستفادوا من عناصرها وكمان عشان تدفيهم في فصل الشتا، خنقولك على وصفة سهلة وسريعة تعملي بيها البليلة.
مقادير البليلة المصرية
- كوب كبير من القمح.
حوالي ٤ أكواب من الميه.
٢ كوب من الحليب.
عسل أو سكر للتحلية.
نص كوب جوز هند.
مكسرات مجروشة مشكلة.
هنا ممكن تشوفي طريقة عمل الفراخ الروستو في الفرن
طريقة عمل البليلة المصرية
- انقعي القمح في طبق كبير ليلة كاملة.
- صفي القمح وحطيه في حلة وضيفي عليه الميه.
- شغلي النار على القمح لحد ما يبقى طري وبعدين صفيه من الميه.
- سخني اللبن وضيفي عليه السكر أو العسل وبعدين ضيفي القمح وسيبيهم مع بعض على نار متوسطة حوالي ١٥ دقيقة.
- طلعي البليلة تبرد وضيفي رشة جوز هند ومكسرات لو حابة.
ممكن تشيلي البليلة في التلاجة في أطباق صغيرة وتطلعيها تسخنيها في الميكرويف وتزودي عليها شوية لبن، ممكن متحطيش سكر وهي بتستوي وتضيفي عسل أو تضيفيه وقت التقديم مع التقليب كويس وبنفكرك تنتبهي لخطر الاختناق لا قدر الله لو هتقدميها لفلك الصغير اللي أقل من سنتين وبألف هنا وشفا.
لو من عشاق البسبوسة شوفي بسبوسة دايت: طريقة عمل البسبوسة للرجيم
التعليق باستخدام حساب فيس بوك