محتويات المقال
نقدر نقول إن في العشر السنين الأخيرة، ظهر في ثقافتنا الغذائية مفهوم حساسية الألبان، واللي كنا زمان فاكرينها إنها بتحصل للأطفال الرضع، وبالتالي الأمهات بتوقف هي نفسها تتناول أي منتجات ألبان في حالة إنها طبعًا بترضع طبيعي. بس اللي حصل واللي اكتشفناه إن فيه ناس كتيرة قوي بالغة بتستهلك اللبن وهي عندها حساسية منه ومش عارفين ولا مدركين إن الأعراض الصحية اللي بيعانوا منها نابعة من حساسية ألبان أو في مسمى تاني حساسية لاكتوز، اللي هو الإنزيم اللي موجود في اللبن والمتهم الأساسي فيما يخص موضوع الحساسية. مع التطور المستمر، الناس اكتشفت إن في الإمكان استخدام بدائل للبن خالية من اللاكتوز، لكن فيها عدة عيوب، منها إنها لما تتباع في شكل تجاري بتكون غالية جدًا في تمنها، أو بتحتوي على سكر، أو بتحتوي على مواد حافظة. علشان كده، ضروري نجمع لك المعلومات ونقدم لك البدائل المتنوعة اللي هتقدري فعليًا تلاقي من بينها اللي يناسبك من حيث الطعم والسعر، وكمان يكون منتج تقدري تثقي في مكوناته.
أنواع الحليب النباتي
- حليب الشوفان
- حليب اللوز
- حليب الأرز
حليب الشوفان
بيتميز إن طعمه غني جدًا، كريمي القوام ومثالي مع الشاي والقهوة ومش بيأثر على طعمهم أبدًا.
طريقة عمل حليب الشوفان
في خلاط وعلى سرعة عالية:
- 1 كوباية شوفان
- 3-4 كوبايات ماء
- رشة ملح
7 أكلات بالشوفان لفطار صحي وسريع
حاولي دايما تختاري نوع شوفان خالي من الجلوتين علشان كمان تتجنبي نقطة حساسية الجلوتين. في وصفة حليب الشوفان، بينصح عادة إنه يتم نقعه، بس الصراحة الحركة دي بتخلي قوام الحليب لزج شوية وتقيل زيادة، اعمليه زي ما قلت لك هتلاقيه سهل وسريع جدًا.
وصفات بالشوفان لطفلك من 6 شهور لسنة
حليب اللوز
من أشهر أنواع بدائل الحليب البقري. سر نجاح عمله في البيت إنك تستخدمي زبدة اللوز مش حبوب اللوز. طبعًا تقدري تستخدمي حبوب اللوز، لكن الموضوع هيحتاج منك تنقعيه في مياه ليلة كاملة علشان تقدري تحصلي على الحليب.
فوائد زيت اللوز الحلو للبشرة والشعر
طريقة عمل لبن اللوز
في خلاط وعلى سرعة عالية:
- 1 ملعقة كبيرة زبدة لوز
- 1 كوباية ماء
- رشة ملح
أو
- 1 كوباية من اللوز الخام (منقوع طوال الليلة السابقة)
- 2 كوب ماء
- رشة ملح
طريقة عمل مافن الكيتو بدقيق جوز الهند واللوز
حليب الأرز
بيتميز إن طعمه محايد ورخيص التمن، كده كده الرز موجود في كل البيوت.
طريقة عمل حليب الأرز
في خلاط وعلى سرعة عالية:
- 1 كوباية أرز مطبوخ سواء مسلوق أو على البخار بس يكون من غير ملح
- 4 كوبايات ماء
- رشة ملح
طريقة عمل الكبيبة .. الشامية بالبرغل والمصرية بالأرز
حليب الجوز ( عين الجمل)
بيتميز إن طعمه دسم وطبعًا لذيذ وقوامه خفيف.
طريقة عمل لبن الجوز
في خلاط وعلى سرعة عالية:
- 1 كوباية جوز
- 3 كوبايات ماء
- رشة ملح
حليب الكاجو
الأغنى من حيث الطعم من بين كل بدائل الحليب.
طريقة عمل لبن الكاجو
في خلاط وعلى سرعة عالية:
- 1 كوباية من الكاجو الخام منقوعة طوال الليل
- 4 كوبيات ماء
- رشة ملح
وزي اللوز، جربي زبدة الكاجو كبديل سريع ولذيذ عن النقع طول الليل.
حليب الكينوا
مصدر غني جدًا بالبروتين. بس لازم الكينوا تتنقع فترة قبل ما تتطبخ.
طريقة عمل حليب الكينوا
في خلاط وعلى سرعة عالية:
- 1 كوباية كينوا مطبوخة من غير ملح
- 3 كوبيات ماء
- شوية ملح
حليب البندق
طعمها حلو جدًا، خصوصا لو ضفتي عليه معلقة من الكاكاو الخام وشوية عسل .
طريقة عمل لبن البندق
في خلاط وعلى سرعة عالية:
- 1 كوباية من البندق الخام منقوع لمدة 8 ساعات أو طوال الليل
- 3 كوبيات ماء
- رشة ملح
5 أفكار مختلفة لتناول أنواع المكسرات غير المملحة في الدايت
حليب اليقطين (بذور اللب الأبيض)
طريقة عمل لبن اليقطين
في خلاط وعلى سرعة عالية:
- 1 كوباية من بذور اليقطين
- 4 كوبايات ماء
- رشة ملح
حليب بذر الكتان
سهل جدًا وبديل رخيص التمن، ومتوفر عند أي عطار.
طريقة عمل حليب بذر الكتان
في خلاط وعلى سرعة عالية:
- ربع أو نص كوباية من بذور الكتان
- 4-6 كوبايات من الماء
- رشة ملح
جربي تضيفي ليهم الفانيليا والعسل هيعملوا معاكي مزيج طعمه حلو جدًا.
فوائد بذور الكتان لصحتك وإزاي تدخليها في أكلك
حليب الفستق
جميل الطعم لدرجة إنك ممكن تقومي تعملي منه كل يوم، بس هو يعتبر من البدائل الغالية.
طريقة عمل لبن الفستق
في خلاط وعلى سرعة عالية:
- 1 كوباية من الفستق المقشر منقوع طوال الليل
- 4 كوبايات ماء
- رشة ملح
حليب جوز الهند
الأشهر ما بين البدائل. علشان كده يعتبر بديل كلاسيكي جدًا، طعمه لوحده حلو وريحته حلوة وقوامه غني.
طريقة عمل لبن جوز الهند
في خلاط وعلى سرعة عالية:
- 1 كوباية من جوز الهند المبشور أو شرايح جوز الهند
- 2 كوبايتين ماء
- شوية ملح
فوائد لبن جوز الهند للبشرة .. وخلطات مش هتصدقي نتيجتها
حليب البقان ( البيكان)
تقدري تعمليه بالمحمص والني.
طريقة عمل لبن البيكان
في خلاط وعلى سرعة عالية:
- 1 كوباية جوز البقان (البيكان) نيء أو محمص
- 4 كوبايات ماء
- رشة ملح
حليب الفول السوداني
طريقة عمل لبن فول السوداني
في خلاط وعلى سرعة عالية:
- 1 كوباية فول سوداني
- 4 كوبايات ماء
- شوية ملح
طريقة عمل زبدة الفول السوداني في البيت
وزي اللوز كده تقدري تعمليه بزبدة فول السوداني غير المحلاة.
حليب المكاديميا
أعلى واحد من حيث محتوى الكالسيوم.
طريقة تحضيره
في خلاط وعلى سرعة عالية:
- 1 كوباية من المكاديميا النيئة
- 6 كوبايات ماء
- شوية ملح
حليب بذور عباد الشمس
هو مش بس بديل للحليب البقري، إنما كمان يعتبر مهدئ لو بتعاني من نوبات قلق متكررة.
طريقة تحضيره
في خلاط وعلى سرعة عالية:
- 1 كوباية بذور عباد الشمس من غير ملح
- 3-4 كوبايات ماء
- شوية ملح
إيه الفرق بين زيت الذرة وزيت عباد الشمس؟
نصائح ذهبية لتحضير أفضل أنواع الحليب البديلة للبن الأبقار:
- انقعي المكسرات لمدة 12 ساعة على الأقل أو طوال الليل.
- لو هتحضريه فورا، يعني مش كمية وتخزنيها، استخدمي المياة السخنة علشان تحصلي على قوام كريمي .
- للتحلية ، استخدمي التمر منزوع النوى أو العسل أو سكر استيفيا.
- عايزة تعززي النكهة ، ضيفي الفانيليا أو القرفة أو الهيل(الحبهان المطحون).
- رشة ملح دورها إنها تساعد على نقع النكهات.
- لو معندكيش خلاط عالي السرعة ، فاخلطي لمدة مش أقل من دقيقة إلى دقيقتين.
- لو معندكيش مصفاة ضيقة للتصفية ، استحدمي الشاش أو قميص أبيض نضيف.
- تقدري تخلطي أنواع مختلفة من المكسرات علشان تحصلي على النكهة اللي تعجبك.
- تقدري تقللي أو تزودي من كمية المياة المضافة على حسب القوام المفضل ليكي .
- استخدمي الحبوب الخالية من الجلوتين.
- أنواع الحليب المختلفة عمرها قصير بالكتير تلاتة لـاربع أيام حسب تلاجتك، لو عاملة كمية يبقى من الأفضل تخزنيهم في الفريزر.
التعليق باستخدام حساب فيس بوك