الدونتس من الحلويات المحببة جدًا للأطفال والكبار وبيبقى ليه أطعمة كتير لذيذة وفيه منه أنواع محشية كمان. وبما إن مش كل الأفران بتعمل دونتس، وفيه محلات مخصصة للدونتس ممكن ما تبقاش قريبة منك، جربي تعمليه في البيت بنفسك هيبقى زي بتاع بره بالظبط وكمان مضمون وأوفر في الميزانية. اقري المقال ده وهنقول لك على طريقة عمل الدونتس بطريقة سهلة وبسيطة.
طريقة عمل الدونتس
مقادير الدونتس
- ٤ كوب دقيق منخول ويفضل تحيبي دقيق المخبوزات.
- معلقة كبيرة خميرة فورية.
- معلقة صغير بيكينج باودر.
- ربع كوب سكر.
- ١ بيض في درجة حرارة الغرفة.
- ربع كوب زيت.
- ربع كوب لبن رايب.
- نص كوب ميه دافية للعجن.
- معلقة صغيرة فانيليا سايلة أو ٢ باكو فانيليا.
- شوكولاتة سايلة للزينة أو صوص شوكولاتة (اختياري)
- شوكولاتة فارماسيل للزينة (اختياري)
- طبق صغير مزيج من السكر البني والقرفة.
- في بولة العجن، ضيفي الدقيق والسكر وباقي المكونات الجافة على بعض وقلبيهم كويس.
- ضيفي اللبن والزيت والبيض والفانيليا السايلة وامزجيهم مع بعض كويس قوي.
- ضيفي المياه الدافية مع العجين واحدة واحدة بالتدريج واعجني لحد ما توصلي لعجينة ماسكة نفسها.
- ادهني بولة زيت وحطي العجينة فيها وغطيها وسيبيها في مكان دافي لمدة لا تقل عن ساعة لحد ما تخمر وحجمها يتضاعف.
- طلعي العجينة واعجنيها تاني وقسميها وسيبيها ربع ساعة.
- هاتي قطاعة الدونتس وقطعيها ولو ما عندكيش قطاعة قطعيها بالكوبيات وفرغيها من النص.
- اقلي الدونتس في زيت غزير لحد ما لونها يتحول للدهبي.
- طلعي الدونتس يتصفى من الزيت وسيبيه يبرد شوية وادهنيه بالشوكولاتة والفارماسيل ومزيج القرفة والسكر وبألف هنا وشفا.
طريقة عمل الزلابية .. أحلى حلويات شرقية سهلة وسريعة
ممكن تكوري العجينة زي الزلابية وتاكليها بطريقة جديدة وتحطي عليها صوص الشوكولاتة والمربى وصوص الشوكولاتة البيضا وبألف هنا وشفا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك