فيه أكلات كده باسميها أكلات النوستالجيا، أكلة أول ما تقطم قطمة منها هتاخدك في رحلة للذكريات. ومن أهم أكلات النوستالجيا دي الرقاق الطري. الرقاق الطري ده اللي بيفكرك بالعيد الكبير ولمة العيلة حوالين لحمة الأضحية والفتة اللذيذة. طلعة أسكندرية زمان وأمهاتنا اللي كانوا بيستقبلونا في الشاليه واحنا خارجين من البحر بالرقاق والبطاطس المحمرة والمكرونة والبانيه. عزومات رمضان اللي السفرة بتاعتها لازم يبقى عليها رقاق طري. لو نفسك راحت للرقاق الطري وحلاوته وما بتعرفيش تعمليه، هنقول لك على وصفته في الموضوع ده.
طريقة عمل الرقاق الطري
المكونات
- نص كيلو رقاق طري
- نص كيلو لحم مفروم معصجة
- ربع كوب سمنة سايحة
- 2 كوب شوربة من المتوفر عندك
طريقة عمل البطاطس المشوية محشية بالجبن
طريقة التحضير
- ادهني صينية الرقاق بالسمنة السايحة وشغلي الفرن على درجة حرارة 180.
- غمسي ورق الرقاق بالشوربة بسرعة وطلعيه على طول حطيه في الصينية.
- ادهنيها بالسمنة من فوق وكرري الخطوتين دول مع نص كمية الرقاق.
- وزعي اللحم المفروم على نص كمية الرقاق.
- غمسي نص كمية الرقاق التانية في الشورب وادهني الوش بالسمنة السايحة.
- قطعي الرقاق مثلثات وحطي الصينية وسيبيها حوالي نص ساعة أو ساعة الا ربع أو لحد ما لونه يبقى دهبي.
طريقة عمل طاجن السي فود في البيت
ممكن تشيلي صينية الرقاق جاهزة في الفريزر أو تقطعيه وتحطيه في قوالب وتطلعيه من الفريزر يفك وتاكليه بعدين، وقدمي جنبه سلطة خضرا أو مع فتة ولحمة وبألف هنا وشفا.
طريقة عمل أكلات بالكبد والقوانص
التعليق باستخدام حساب فيس بوك