السوشي من الأكلات الآسيوية المفضلة عند ناس كتير. وابتدى ينتشر في الفترة الأخيرة في مصر في مطاعم كتير زي مطاعم الأكل الآسيوي ومطاعم اللي بتقد سوشي فقط. لكنه يعتبر أكلة غالية نسبيًا وممكن يبقى ميزانية عالية لو بتحبي تاكليه كذا مرة في الأسبوع. عشان كده، ممكن توفري شوية في الميزانية وتتعلمي لو بتحبي السوشي، ونفسك تجربي تعمليه في البيت، هنقول لك على وصفة سهلة من الشيف الشربيني لـ طريقة عمل السوشي في المنزل بطريقة الشيف الشربيني بمكونات غير مكلفة وهي طريقة سهلة أوي هنقول لك عليها في المقال ده.
طريقة عمل السوشي في المنزل
مقادير السوشي
- ورق نوري
- أرز
- خل
- صويا صوص
- سكر
- ملح
- سمسم
- حبة البركة
- خيار
- جزر
- أصابع الكابوريا المشوية
- مايونيز
- وصابي
أجمد 10 أماكن سوشي في القاهرة .. “ما تيجي نأكل سوشي”
خطوات عمل السوشي بمكونات غير مكلفة
- ابشري الجزر والخيار وحطيهم في المياه.
- ضيفي الوصابي مع المايونيز واخلطيهم كويس.
- اسلقي الأرز في ميه وملح واخلطي شوية من المياه مع السكر والخل.
- حطي ورق النوري على الحصيرة المخصصة للف السوشي وادهنيه بخليط الميه والسكر والخل باستخدام الفرشة.
- ضيفي الرز وافرديه كويس وادهنيه بخليط المايونيز والوصابي وحطي شرايح الجزر والخيار وأصابع الكابوريا ولفيها على شكل أسطوانة باستخدام الحصيرة.
- قطّعي السوشي قطع صغيرة على شكل حلقات وحطيها في شوية سمسم أو حبة البركة.
- قدمي جنبه صوص الصويا صوص أو الواسابي.
بالفيديو: طريقة عمل النودلز بالجمبري
عشان تقدري تعرفي الوصفة كاملة وتشوفي ازاي تقدري تلفي السوشي، اتفرجي على الفيديو ده الخاص بوصفة الشيف الشربيني
What’s your Reaction?
التعليق باستخدام حساب فيس بوك