محتويات المقال
الحلاوة أو السويت زي ما بنقول عليه بشكل دارج هي عجينة السكر بالليمون وأحيانًا العسل بالليمون اللي بتعتبر واحدة من أقدم طرق إزالة الشعر، ويمكن كمان من أكثرها تداولًا، ورغم كده مش كلنا بنعرف نعملها صح، رغم أن طريقة عمل السويت ” الحلاوة” في البيت سهلة ومش مكلفة، طريقة حتى على الرغم من التطور الكبير جدًا في عالم التخلص من الشعر الزائد في الجسم زي علاجات الليزر المختلفة، لكن تفضل واقعة في إطار إنها مكلفة على العكس من السويت لإنه فعلًا رخيص جدًا في سعره، مكوناته كلها موجودة في كل البيوت، حتى العيب الأساسي اللي فيه اللي هو الإحساس بالالم بقى دلوقتي متوفر في الصيدليات كريمات مخدرة موضوعية وبأسعار معقولة جدًا بتوقف الإحساس بالألم تمامًا.
اعرفي أماكن إزالة الشعر بالليزر في القاهرة بالأسعار من هنا.
حتى إن ليها ميزة مش متوفرة في طرق الإزالة المنزلية التانية وهي إنها بتشيل الجلد الميت وبتوفر لبشرتك الفرصة للتنفس والتجدد، لكن الألم اللي بيسببه السويت أو الحلاوة بييجي معاها عيب كمان إن الشعر بينمو تاني في فترة من ثلاث أسابيع لأربعة حسب طبيعة الشعر، لكن مع الاستخدام المنتظم، الشعر بينمو أقل كثافة وأقل سمكا، وكفاية إنها مش مادة كيميائية ممكن تسبب ضرر أو حروق للبشرة.
شوفي هنا بالفيديو: طريقة إزالة شعر الوجه بالفتلة بنفسك بسهولة
مكونات عمل السويت
علشان تحضّري الحلاوة لإزالة الشعر، محتاجة للمكونات دي:
- كوب واحد من الماء.
- كوبان من السكر
- كوب واحد من عصير الليمون.
طريقة عمل السويت في البيت
- حطي كل المكونات على النار في حلة ويفضل تكون تيفال مع التحريك باستمرار.
- شيليها عن النار أول ما تبدأ الفقاعات بالظهور، واستمري في التحريك لحد ما تختفي الفقاعات.
- حطي الخليط ده على النار تاني لحد ما يغلي. ده طبعًا بعد ما تختفي الفقاعات.
- كرري العملية لحد ما تحصلي على كتلة لزجة لونها مائل للون العسل.
- ليّني (خليه طري يعني) الخليط بعصير الليمون لو حسيتي إنه صلب.
- خدي ملعقة واحدة من الخليط لو حسيتي إن المزيج خفيف يعني غير سميك، وحطيها في كوب من الماء البارد. لو ذابت فيه، هترجعي تسيبيه يغلي أكثر.
- شيلي الحلة عن النار أول ما تحصلي على القوام المطلوب، وسيبي السكر يبرد لدرجة حرارة الجسم قبل استخدامه.
ياللا اجهزي للعيد مع تجهيزات العيد: اعملي سكراب للجسم في البيت بكل سهولة
ازاي تستخدمي الحلاوة (السويت)
- خدي جزء صغير من عجينة السكر بحجم إيدك، واعجنيها في إيدك لحد ما تصبح طرية وممكن تلاقي لونها اتغير وبقى أقرب للون العسلية الفاتح.
- افردي الحلاوة بعكس اتجاه نمو الشعر.
- اسحبي الحلاوة في اتجاه نمو الشعر مرة واحدة.
- تقدري تسخدمي نفس الحلاوة أكثر من مرة، لكن لازم تعملي عجينة تاني كل خمس أو ست استخدامات.
لو لقيتي إن بشرتك حصل فيها توهج، يعني احمرت أو ظهرت فيها شوية حبوب بعد ما تخلصي، فدي هتكون آثار جانبية طبيعية مفيش منها خوف، تقدري تتجنبي نقطة ظهور الحبوب إنك تكوني غسلتي المكان اللي هتسخدمي عليه السويت وسبتيه يجف جدًا، علشان ما ينفعش تستخدمي السويت على بشرة رطبة، ولو كنتي من أصحاب البشرة الحساسة جدًا، فممكن تكون الطريقة دي مش أنسب حاجة ليكي.
اعرفي كمان فوائد عسل النحل الذهبية
التعليق باستخدام حساب فيس بوك