الأكل اللبناني بكل أنواعه سواء حلو أو حادق، مقبلات ولا حتى طبق رئيسي من أحلى الحاجات اللي ممكن تاكلها في حياتك، بسيط، مش معقد، ريحته لوحدها كافية تهدي أعصابك وتغير مودك والأهم من ده كله متنوع في المضمون، يعني ممكن تاكليه مقبلات أو وجبة رئيسية. ومن ضمن أحلى الأكلات اللبنانية هي العرايس باللحم واللي لازم تجربيها. العرايس اللبنانية وجبة سهلة أوي وسريعة وممكن تعمليها بكذا طريقة وكذا مكون، وفي الموضوع ده هنقولك على طريقة عمل العرايس اللينانية باللحم وبنتمنى تعجبك.
طريقة عمل العرايس اللبنانية باللحمة
المقادير
- نصف كيلو لحم مفروم
عدد ١ بصلة كبيرة ومفرومة ناعم.
عدد ١ ثمرة طماطم كقطعة مكعبان صغيرة.
٤ فصوص توم مفرومة.
١ كوب بقدونس مفروم ناعم.
ملح وفلفل.
معلقة صغيرة جوزة الطيب.
معلقة صغيرة السبع بهارات.
٢ معلقة كبيرة دبس رمان.
زيت زيتون.
عيش لبناني أو بيتا.
هنا ممكن تشوفي 5 وصفات بالبطاطا هتدفيكي في الشتاء
خطوات عمل العرايس اللبنانية باللحمة
- هاتي طبق كبير وضيفي فيه اللحم المفروم والبقدونس والتوابل والبصل والتوم المفروم واخلطي كل المكونات مع بعض كويس.
- ضيفي الطماطم على اللحم وقلبي كويس لحد ما توصلي لقوام متجانس.
- بعد ما حطيتي اللحم جوه العيش ادهني العيش بشوية من زيت الزيتون.
- هاتي صينية مناسبة للفرن وادهنيها زيت ورصي عليها العرايس اللبنانية وشغلي الفرن على درجة حرارة متوسطة حوالي ١٨٠ لمدة تلت ساعة أو لحد ما ياخد لون دهبي.
- طلعي العرايس اللبنانية من الفرن وقدميها مع سلطة أو طحينة.
لو بتحبي الكبيبة .. طريقة عمل الكبيبة .. الشامية بالبرغل والمصرية بالأرز
لو إنتي أم عاملة أو بتحبي تجهزي الأكل عشان متتعبيش في التحضير، حضري اللحم وشيليها في الفريزر وطلعيها تفك على الحشو على طول. ممكن تقدمي العرايس اللبنانية في أعياد الميلاد أو العزومات كمقبلات أو finger food. لو جربتي الوصفة شاركينا رأيك في كومنت
عشاق الفطاير .. طريقة عمل فطيرة السجق بـ 4 طرق شهية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك