“هاعمل لك طاجن عكاوي يرم عضمك” جملة مشهور أكيد كلنا سمعناها من جداتنا وأمهاتنا أو حتى في الأفلام العربي عن العكاوي. وتعتبر العكاوي من الأكلات الشعبية المصرية المحببة واللي ليها فوائد غذائية كبيرة. وطاجن العكاوي كمان ليه شهرة كبيرة في المطاعم الكبرى زي البرنس وناس كتير بتتهافت عليه بسبب طعمه اللذيذ. في الموضوع ده، هنقول لك على طرق مختلفة وسهلة لعمل العكاوي ومنهم طريقة البرنس.
طريقة عمل طاجن العكاوي بالبصل
مقادير العكاوي بالبصل
- كيلو عكاوي
- لتر مرقة
- معلقتين كبار توم مفروم
- ٢ بصل أبيض كبير الحجم
- عصير طماطم
- صلصة طماطم
- ملح وفلفل
- سمنة وزيت
- ورق لورا
- السبع بهارات
- رشة قرفة
طريقة عمل العكاوي بالبصل
- اغسلي العكاوي كويس وقطعيها قطع صغيرة
- شوحي التوم في سمنة وزيت على النار وضيفي لها العكاوي والبصل.
- شوحي مع بعض وضيفي التوابل واستمري في التقليب لحد ما البصل يدبل.
- ضيفي عصير الطماطم ومعلقة من الصلصة الجاهزة وقلبي.
- ضيفي المرقة وغطي وسيبي كل المكونات تغلي مع بعض.
- حطي العكاوي في طاجن في الفرن وسيبيه لمدة نص ساعة.
طريقة عمل طاجن العكاوي باللسان عصفور
مقادير العكاوي بلسان العصفور
- كيلو عكاوي
- مرقة
- ٢ بصل كبيرة
- لسان عصفور
- زيت وسمنة
- عصير طماطم
- معلقة كبيرة صلصة
- ملح وفلفل
- ورق لورا
- رشة قرفة
طريقة عمل العكاوي بلسان العصفور
- اغسلي العكاوي كويس وقطعيها قطع.
- شوحيها على النار ورشي ملح وفلفل.
- قطعي البصل وضيفيه للعكاوي وشوحي لحد ما لونها يتغير ويبقى بني.
- حمصي اللسان عصفور لحد ما توصلي للون الدهبي.
- حطي على اللسان العصفور المرقة مع الورق اللورا وسيبيهم يغلوا لحد ما يشرب المرقة.
- ضيفي عصير الطماطم والصلصة للعكاوي وسيبيه حوالي ساعة.
- حطي لسان العصفور والعكاوي بالصوص في طاجن في الفرن وسيبيه نص ساعة.
طريقة عمل طاجن العكاوي بالبامية
مقادير العكاوي بالبامية
- كيلو عكاوي
- حوالي نص كيلو من البامية
- لتر عصير طماطم
- ٢ معلقة كبيرة صلصة
- ٢ بصل كبيرة مفرومة
- ٢ معلقة كبيرة توم مفروم
- زيت وسمنة
- ملح وفلفل
- ورق لورا
- رشة قرفة
- كزبرة ناشفة
طريقة عمل شاورما اللحم بالطحينة
طريقة عمل العكاوي بالبامية
- اغسلي العكاوي كويس وقطعيها قطع.
- شوحيها على النار مع ورق اللورا ورشي ملح وفلفل وقلبي لحد ما تاخد لون دهبي.
- افرمي البصل وحطيه على النار مع التوم والكزبرة وشوحيهم لحد ما توصلي للون دهبي وبعدين ضيفي البامية وشوحيها.
- حطي عصير الطماطم وسيبيهم يتسبكوا.
- حطي في طاجن البامية ومعاهم العكاوي وغطيه وحطيه في الفرن حوالي ساعة.
طريقة عمل طاجن العكاوي على طريقة البرنس
مقادير عكاوي البرنس
- كيلو عكاوي متقطع حلقات
- خمس حبات حبهان
- خمس حبات ورق لورا
- بصلة كبيرة مفرومة
- ملح وفلفل
- زيت وسمنة
مقادير الطشة
- بصلة كبيرة مفرومة
- طماطم متقطعة مكعبات
- توم مفروم
- ملح وفلفل
- فلفل حار متقطع حلقات
- معلقة كبيرة خل
- عصير ليمون
- نص معلقة شطة
طريقة عمل عكاوي البرنس
- اغسلي العكاوي كويس وقطعيها قطع وشيلي منها الجزء الدهني.
- حطي ميه في حلة وحطي فيها الحبهان وورق اللورا وفلفل أسود والبصل المفروم وسيبيهم يغلوا وبعدين ضيفي العكاوي وسيبيهم يستوا مدة كافية.
- صفي العكاوي من الشوربة وحطيها في الطاجن.
- في طاسة هاتي الجزء الدهني من العكاوي وقلبي وصيفي ليه البصل المفروم والفلفل والتوابل ونسيبهم خمس دقايق لحد ما البصل يدبل.
- في طاسة تانية شوحي التوم مع السمن أو الزيت لحد ما يبقى دهبي وصيفي ليه مكعبات الطماطم تتسبك.
- ضيفي الفلفل والشطة والخل والليمون وقلبي لحد ما تتسبك.
- هاتي الطاجن وحطي فيه البصل وبعدين العكاوي وحطي كوب من المرقة والطشة بالتساوي.
- غطيه ودخليه الفرن لحد ما يستوي.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك