محتويات المقال
القهوة هي مشروب كل الأوقات بالنسبة للأمهات، لما تصحي الصبح قبل ما تبدأي مهامك، بتشربي قهوة، في نص اليوم بتقولي أنا محتاجة قهوة علشان أقدر أكمل اليوم، في الـ “مي تايم” لازم فنجال القهوة، وانتي خارجة مع صاحباتك، وإنتي في الشغل، وإنتي في البلكونة وأوقات تانية كتير، بس لما بنشرب قهوة كتير كده بنكون عاوزين نغير في أنواعها، مرة قهوة تركي، مرة نسكافيه، مرة أمريكان كوفي.
علشان كده هنساعدك في المقال ده ونقول لك إزاي تعملي قهوة في آلة الـ “فرينش بريس” في البيت زي المحترفين:
-
دي آلة الفرينش بريس:
آلة الفرينش بريس
-
ودي محتوياتها:
محتويات آلة الفرينش بريس
لو عاوزه تصممي ركن للقهوة في البيت تقدري تشوفي الأفكار دي: أجمل 30 تصميم لـ ركن القهوة في ديكور البيت
-
طريقة عمل القهوة:
- المطلوب:
- 20 جرام من البن المطحون خشن.
- 300 مللي مياه.
- وطبعًا آلة الفرينش بريس.
- الطريقة:
- بتجهزي مياه سخنة جدًا بس مش مغلية، يعني تقريبا بدرجة حرارة 90.
- بتحطي البن في آلة الفرينش بريس وتصبي عليها المياه اللي جهزتيها.
- سيبيها مدة 4 دقايق.
- غطي ابدأي اكبسي القهوة بمكبس الآلة، بس بالراحة جدًا.
- جهزي فنجانك أو المج المفضل وصبي فيه القهوة.
- الحليب:
- لو محتاجة تضيفي الحليب للقهوة، تقدري تضيفيه وهو سخن بطريقة عادية على القهوة.
- أو تقدري تعمليه فوم بآلة الفرينش بريس.
ودي طريقة عمل فوم الحليب:
وتقدري تاكلي مع القهوة قطعة شوكولاته مفضلة ليكي، أو كوكيز وبسكوت، وبألف هنا على قلبك.
وتقدري تشوفي الطريقة دي كمان: طريقة عمل فرابتشينو الكراميل في البيت
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك