الكبيبة من الأكلات اللذيذة اللي ممكن تعمليها بسهولة ومن غير وقت كبير ولا مجهود. الكبيبة من الأكلات اللي ممكن تعامل معاملة المقبلات وبتبقى فكرة لطيفة لو إنتي عاملة عزومة سريعة وما عندكيش وقت تطبخي ممكن تقدمي كبيبة. وكمان بتبقى فكرة لطيفة لو عندك عيد ميلاد وعايزة مقبلات سريعة وشكلها لذيذ. وفيه طريقتين لعمل الكبيبة وهي الطريقة المصري والشامي. وفي المقال ده، هنقول لك على طريقة عملهم وبنتمنى الوصفة تعجبك.
طريقة عمل الكبيبة الشامية بالبرغل
مقادير الكبيبة الشامية
- نص كيلو لحمة مفرومة
- عدد ٢ بصلة متوسطة الحجم
- ربع كيلو برغل
- ملح وففل
- رشة قرفة
- رشة جوزة الطيب
- زبيب
- صنوبر
طريقة عمل الكبيبة الشامية
- اغسلي البرغل كويس وانقعي قبل ما تعملي الكبيبة ليلة كاملة.
- قطعي البصل شرايح صغيرة وشوحيهم مع سمنة أو زيت في حلة على النار.
- ضيفي اللحمة المفرومة والبهارات وعصجي اللحم.
- صفي البرغل من المياه واضربيه في الكبة مع نص كمية اللحمة المفرومة.
- شكلي خليط البرغل واللحم على شكل كورة واعملي فراغ في نصها وحطي معلقة من اللحمة المفرومة والصنوبر أو الزبيب واقفليها.
- شكلي باقي الكمية وحمريها في زيت غزير وقت التقديم أو ممكن تشيليها في الفريزر.
طريقة عمل الناجتس البيتي زي بتاع المحلات
طريقة عمل الكبيبة المصرية
مقادير الكبيبة المصرية
- نص كيلو لحمة مفرومة
- ٢ كوب أرز
- بصلة متوسطة الحجم
- ٢ معلقة كبيرة توم مفروم
- ملح وفلفل
- رشة سبع بهارات
للحشو:
- بصلة متوسطة الحجم
- قطعة من الدهن الحيواني
طريقة عمل الفراخ الروستو في الفرن
طريقة عمل الكبيبة المصرية
- انقعي الرز لمدة ساعتين واغسليه كويس وصفيه لحد ما ينشف.
- قطعي البصل قطع صغيرة وحطيه في الكبة مع اللحم المفروم والبهارات والرز وافرمي المكونات كويس.
- اخلطي مكونات الحشوة مع بعض في الكبة.
- حطي مكونات الحشوة مع بعض على الناروقلبيهم لحد ما ياخدوا لون.
- شكلي العجينة على شكل كرات صغيرة وحطي فيه الحشوة.
- حطي حلة على النار فيها ميه وحبهان وملح وفلفل وبصلة مقطعة صغير على النار وسيبيها على النار تغلي وحطي فيها الكبيبة لحد ما تستوي.
- صفي الكبيبة وبعدين حمريها في الزيت.
طريقة عمل حمص الشام المصري (الحلبسة) في الشتاء
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك